ટેરિફ વધારવાનો ર્નિણય ઊંઘો પડ્યો, ચીન-કેનેડા-મેક્સિકોએ મોટું પગલું ભર્યું
યુએસ પ્રેસિડેન્ટ ડોનાલ્ડ ટ્રમ્પે ૪ માર્ચ, ૨૦૨૫થી મેક્સિકો અને કેનેડાથી આયાત થતા માલ પર ૨૫% ટેરિફ લગાવ્યો છે. ઉપરાંત, ચીનથી આયાત થતી ચીજવસ્તુઓ પર પહેલાથી લાદવામાં આવેલ ૧૦% ટેરિફ વધારીને ૨૦% કરવામાં આવ્યો છે. આ ટેરિફનો હેતુ આ દેશોમાંથી ફેન્ટાનાઇલ અને અન્ય ગેરકાયદેસર દવાઓની અમેરિકામાં થતી દાણચોરી અટકાવવાનો છે.
આ ટેરિફ ઉદેશ્ય ગયા મહિને અમલમાં આવવાના હતા પરંતુ ૩૦ દિવસ માટે મુલતવી રાખવામાં આવ્યા હતા. રૉઇટર્સના અહેવાલ મુજબ, કેનેડાના વડાપ્રધાન જસ્ટિન ટ્રૂડોએ યુએસ ટેરિફના જવાબમાં મંગળવારથી યુએસ માલ પર ૨૫% ટેરિફની જાહેરાત કરી છે, જે ૩૦ અબજ કેનેડિયન ડૉલરના માલ પર લાગુ થશે.
જાે યુએસ ટેરિફ પાછો ખેંચવામાં નહીં આવે તો કેનેડા આગામી ૨૧ દિવસમાં વધારાના ૧૨૫ બિલિયન કેનેડિયન ડૉલરના યુએસ માલ પર ટેરિફ પણ લાદશે. ટ્રૂડોએ કહ્યું કે જ્યાં સુધી યુએસ ટ્રેડ એક્શન પાછું ખેંચવામાં ન આવે ત્યાં સુધી કેનેડાના ટેરિફ યથાવત રહેશે અને જાે તેમ નહીં થાય તો તેઓ અન્ય નોન-ટેરિફ પગલાં પર પણ વિચાર કરશે. મેક્સિકન રાષ્ટ્રપતિ ક્લાઉડિયા શેનબૌમે કહ્યું કે જાે યુએસ ટેરિફ લાગુ થાય તો તેમનો દેશ જવાબ આપવા તૈયાર છે.
જાેકે તેમણે ચોક્કસ પગલાંની વિગતો આપી ન હતી, તેમણે સૂચવ્યું કે મેક્સિકો પાસે બેકઅપ યોજનાઓ છે. ચીનના નાણા મંત્રાલયે મંગળવારે જાહેરાત કરી હતી કે તે યુએસ કૃષિ ઉત્પાદનો પર ૧૦% થી ૧૫% સુધીના વધારાના ટેરિફ લાદશે. ૧૦% ટેરિફ સોયાબીન, ડુક્કરનું માંસ, બીફ, માછલી, ફળો, શાકભાજી અને ડેરી ઉત્પાદનો પર લાગુ થશે, જ્યારે ૧૫% ટેરિફ ચિકન, ઘઉં, મકાઈ અને કપાસ પર લાદવામાં આવશે. આ ઉપરાંત ચીને ૨૫ અમેરિકન કંપનીઓ પર નિકાસ અને રોકાણ પર પણ પ્રતિબંધો લાદ્યા છે.
આ ટેરિફને કારણે ઉત્તર અમેરિકામાં આર્થિક મંદીની ભીતિ વધી ગઈ છે. યુએસ શેરબજારમાં પણ ઘટાડો જાેવા મળ્યો છે, જેના કારણે વૈશ્વિક આર્થિક સ્થિરતા પર પ્રશ્નો ઉભા થયા છે. અમેરિકા, કેનેડા, મેક્સિકો અને ચીન વચ્ચે વધતા વેપાર તણાવની વૈશ્વિક અર્થતંત્ર પર ગંભીર અસર પડી શકે છે.