મહારાષ્ટ્રના બુલઢાણા જિલ્લાના શેગાંવ ખામગાંવ હાઈવે પર વહેલી સવારે એક ભયંકર અકસ્માત સર્જાયો હતો જેમાં બે બસ અને એક બોલેરો વચ્ચે અથડામણ થતાં ઘટનાસ્થળે જ લગભગ ૫ જેટલાં લોકોના મોત અને ૨૫થી વધુ લોકો ઇજાગ્રસ્ત થયા હતા.
આ અકસ્માત અંગે સૂત્રો દ્વારા મળતી માહિતી અનુસાર એક ખાનગી બસ, એક એસ.ટી. બસ અને બોલેરો વચ્ચે આ ભીષણ અકસ્માત સર્જાયો હતો. વહેલી સવારે પૂરપાટ ગતિએ દોડતી બોલેરો કાર એસ.ટી.બસ સાથે અથડાઈ હતી. જેના લીધે પાછળ આવતી ખાનગી બસ પણ આ અકસ્માતમાં લપેટાઈ ગઈ હતી. ભયાનક અકસ્માતમાં ૫ લોકો ઘટનાસ્થળે જ મૃત્યુ પામી ગયા. જાેકે ૨૪ લોકો ઈજાગ્રસ્ત થઈ ગયા છે.
આ અકસ્માત એટલો ભયાનક હતો કે બોલેરો કારનો તો કચ્ચરઘાણ થઈ ગયો હતો. જાેકે બે બસ પણ અકસ્માતની લપેટમાં આવી જતાં ઈજાગ્રસ્તોનો આંકડો પણ ૨૪ પહોંચી ગયો હતો. ઘટના વહેલી સવારે સર્જાઈ હતી. પોલીસને જાણકારી મળતાં ત્વરિત કાર્યવાહી હાથ ધરવામાં આવી હતી અને ઘાયલોને નજીકની હોસ્પિટલમાં સારવાર અર્થે ખસેડવામાં આવ્યા હતા.