પંજાબી ગાયક દિલજીત દોસાંજનો ૩૦ ઓક્ટોબરે દિલ્હીમાં યોજાનારો કોન્સર્ટ મુશ્કેલીમાં મુકાઈ ગયો છે, કારણ કે દિલ્હી પોલીસે આ કાર્યક્રમ માટે પરવાનગી આપવાનો ઇનકાર કરી દીધો છે. આ કોન્સર્ટ જવાહરલાલ નેહરુ સ્ટેડિયમમાં યોજાવાનો હતો, પરંતુ પોલીસે સુરક્ષાના કારણોસર તેને મંજૂરી આપી નથી.
ઉલ્લેખનીય છે કે, દિલજીત દોસાંજનો દિલ્હી કોન્સર્ટ તેમના ‘ઓરા ઇન્ડિયા ટૂર ૨૦૨૬‘ નો એક ભાગ છે. ઓક્ટોબરની શરૂઆતમાં, ગાયકે સાત શહેરોમાં યોજાનારા આ પ્રવાસની જાહેરાત કરી હતી, જેમાં દિલ્હી-એનસીઆર, ઇન્દોર, અમદાવાદ, મુંબઈ, બેંગલુરુ, ચંદીગઢ અને લખનૌનો સમાવેશ થાય છે.
જાેકે, કાર્યક્રમ આયોજનની વિનંતીની સમીક્ષા કર્યા બાદ, દિલ્હી કોન્સર્ટને સુરક્ષા મંજૂરી મળી શકી નથી.
દક્ષિણ દિલ્હીના ડેપ્યુટી કમિશનર ઓફ પોલીસ ની કચેરી દ્વારા ટિકિટિંગ પ્લેટફોર્મ ‘બુકમાયશો‘ ને લખવામાં આવેલા એક પત્ર મુજબ, સુરક્ષાને લગતા જાેખમો, તહેવારોની મોસમ દરમિયાન સુરક્ષાની જરૂરિયાતો અને કાયદો-વ્યવસ્થાને લગતી અન્ય ચિંતાઓને કારણે આ કોન્સર્ટ માટે પરવાનગી આપી શકાય તેમ નથી.
દિલ્હી કોન્સર્ટ વિશે વધુ વિગતો અને દિલજીત દોસાંજના સમગ્ર પ્રવાસ પર આ ર્નિણયની શું અસર પડશે, તેની રાહ જાેવાઈ રહી છે. જે ચાહકો આ શોમાં હાજરી આપવા માટે ઉત્સુક હતા, તેમણે હવે આયોજકો અને સત્તાવાળાઓ તરફથી આવનારા આગામી અપડેટ્સની રાહ જાેવી પડશે.