જામનગરરાધે સ્કેટિંગ રિંકના ઓલ-રાઉન્ડર કોચ રાધે જોઈસરને રાજ્ય સરકારનો પ્રતિષ્ઠિત “જુનિયર જયદીપસિંહ એવોર્ડ” એનાયતગાંધીનગર
/જામનગર:ગુજરાત રાજ્યના રમતગમત, યુવા અને સાંસ્કૃતિક પ્રવૃત્તિઓ વિભાગ હસ્તકની સ્પોર્ટ્સ ઓથોરિટી ઓફ ગુજરાત (SAG), ગાંધીનગર દ્વારા સ્કેટિંગ રમત ક્ષેત્રે અભૂતપૂર્વ અને ઉત્કૃષ્ટ પ્રદાન આપવા બદલ જામનગરની સુપ્રસિદ્ધ રાધે સ્કેટિંગ રિંકના ઓલ-રાઉન્ડર કોચ શ્રી રાધે જોઈસરને
રાજ્યના સર્વોચ્ચ રમત પુરસ્કારો પૈકીના એક એવા પ્રતિષ્ઠિત “જુનિયર જયદીપસિંહ એવોર્ડ” થી સન્માનિત કરવામાં આવ્યા છે.ગાંધીનગર ખાતે આયોજિત એક ભવ્ય અને ગૌરવશાળી સરકારી સમારોહમાં મહાનુભાવોના હસ્તે તેમને સત્તાવાર રીતે આ પુરસ્કાર એનાયત કરાયો હતો.
આ ગૌરવપૂર્ણ એવોર્ડ અંતર્ગત કોચ રાધે જોઈસરને સત્તાવાર ગૌરવપત્ર (સર્ટિફિકેટ), સ્પોર્ટ્સ ઓથોરિટીનું બ્લેઝર અને રોકડ પુરસ્કાર અર્પણ કરીને વિશિષ્ટ સન્માન કરવામાં આવ્યું છે.ઉલ્લેખનીય છે કે કોચ રાધે જોઈસરના કુશળ માર્ગદર્શન હેઠળ તાલીમ મેળવીને રાધે સ્કેટિંગ રિંકના અસંખ્ય સ્કેટર વિદ્યાર્થીઓએ નેશનલ (National) કક્ષાની ઓપન રોલર સ્કેટિંગ સ્પર્ધાઓમાં ગોલ્ડ મેડલ મેળવીને સંસ્થા, જામનગર તેમજ સમગ્ર ગુજરાત રાજ્યનું નામ દેશભરમાં રોશન કર્યું છે.
કોચશ્રીની આ અવિરત મહેનત, ખંત અને સ્કેટિંગ રમત પ્રત્યેના સમર્પણની ઉચ્ચ કદરરૂપે જ ગુજરાત સરકાર દ્વારા તેમને આ સર્વોચ્ચ પુરસ્કારથી નવાજવામાં આવ્યા છે.આ અભૂતપૂર્વ અને ભવ્ય ઐતિહાસિક સિદ્ધિ બદલ રાધે સ્કેટિંગ રિંકના તમામ સ્કેટર રમતવીરો, વાલીગણ અને જામનગરના રમતપ્રેમીઓએ કોચશ્રી રાધે જોઈસરને હાર્દિક શુભકામનાઓ પાઠવીને આ ગૌરવપૂર્ણ ક્ષણને બિરદાવી છે.
આપણા બહોળો ફેલાવો ફેલાવો ધરાવતા ન્યૂઝ પેપર માં અમારી પ્રેસ નોટ લયને આભારી કરશો જી
રાધે સ્કેટિંગ રિંક
જ્યોતિ જોઇસર
