અમદાવાદના એસજી હાઇવે પર સોલા ઉમિયા કેમ્પસમાં જે. એસ. પટેલ(આજોલ) બોયઝ હોસ્ટેલમાં રહેતા 16 વર્ષના સગીર તુષાર દોલતભાઈ પટેલે હોસ્ટેલ પરથી પડતું મૂકીને આપઘાત કર્યો છે. સોલા પોલીસની ટીમે સ્થળ ઉપર પહોંચી મૃતદેહને પીએમ માટે મોકલી અકસ્માત મોત નોંધી કાર્યવાહી કરી છે. સગીરના આપઘાત પાછળનું કારણ હજી સુધી જાણવા મળ્યું નથી. આર.સી ટેકનિકલ કોલેજમાં ડિપ્લોમા મિકેનિકલના પ્રથમ વર્ષમાં હતો (13 ઓગસ્ટ) તુષાર બોયઝ હોસ્ટેલના 11 અને 12માં માળની વચ્ચે આવેલી ખુલ્લી જગ્યા પરથી કૂદી ગયો હતો.
હોસ્ટેલની નજીક જ આવેલી આર.સી ટેકનિકલ કોલેજમાં ડિપ્લોમા મિકેનિકલના પ્રથમ વર્ષમાં મૃતક અભ્યાસ કરતો હતો અને હોસ્ટેલમાં છેલ્લા એક મહિનાથી રહેતો હતો. એક દિવસ પહેલા જ ગામડેથી આવ્યો હતો દોઢ મહિના પહેલા જ કેન્દ્રીય ગૃહ મંત્રી અમિત શાહે આ હોસ્ટેલનું ઉદ્ઘાટન કર્યું હતું. મૂળ દેત્રોજના ગીતાપુર ગામના રહેવાસી સગીર એક દિવસ પહેલા જ ગામડેથી હોસ્ટેલ પર આવ્યો હતો.