કેન્દ્રીય પંચાયતી રાજ રાજ્ય મંત્રી પ્રો. એસ. પી. સિંહ બઘેલે કચ્છના ભુજ ખાતે “પંચાયતી રાજ સંસ્થાઓમાં આવકના પોતાના સ્ત્રોતોનું એકત્રીકરણ” વિષય પરની સલાહકાર સમિતિની બેઠકમાં ભાગ લીધો હતો.
આ બેઠકમાં પંચાયતી રાજ સંસ્થાઓની નાણાકીય સ્વાયત્તતાને મજબૂત કરવા, તેમની પોતાની આવક ઊભી કરવાની ક્ષમતા વધારવા અને ટકાઉ ગ્રામીણ વિકાસ માટે નાણાકીય સંસાધનોનો શ્રેષ્ઠ ઉપયોગ સુનિશ્ચિત કરવા પર ધ્યાન કેન્દ્રિત કરવામાં આવ્યું હતું.
વિચાર-વિમર્શમાં ગ્રામીણ વિકાસને વેગ આપવા માટે પાયાના સ્તરના શાસનને વધુ નાણાકીય રીતે સ્વતંત્ર, કાર્યક્ષમ અને જવાબદાર બનાવવાના મહત્વને પણ રેખાંકિત કરવામાં આવ્યું હતું.
આ બેઠકમાં લોકસભાના સાંસદો ગેનીબેન નાગાજી ઠાકોર અને ઉમેશભાઈ બાબુભાઈ પટેલ, પંચાયતી રાજ મંત્રાલયના સચિવ વિનીત જાેશી, સંયુક્ત સચિવો મુક્તા શેખર અને રાજેશ કુમાર સિંહ, અધિક વિકાસ કમિશનર યોગેશ નિર્ગુડે, પંચાયતી રાજ મંત્રાલયના નાયબ સચિવ દીપેન્દ્ર સિંહ અને અન્ય વરિષ્ઠ અધિકારીઓ ઉપસ્થિત રહ્યા હતા.
બેઠકમાં મજબૂત ગ્રામીણ ભારતના નિર્માણ અને ‘વિકસિત ભારત‘ના વિઝનને સાકાર કરવાના પાયા તરીકે સશક્ત, નાણાકીય રીતે સુદૃઢ અને આર્ત્મનિભર પંચાયતોના મહત્વ પર પ્રકાશ પાડવામાં આવ્યો હતો.

