વડાપ્રધાન નરેન્દ્ર મોદીના જન્મદિવસ નિમિત્તે લાલપુર ખાતે રક્તદાન કેમ્પનું આયોજન કરવામાં આવ્યું હતું. આ કેમ્પ ‘સેવા સંકલ્પ અભિયાન’ અંતર્ગત યોજાયો હતો.
સેવા, સમર્પણ અને માનવતાની ભાવના સાથે યોજાયેલા આ કેમ્પમાં રક્તદાતાઓએ ઉત્સાહપૂર્વક રક્તદાન કર્યું હતું. તેઓ આ સેવાયજ્ઞમાં જોડાયા હતા.
કેમ્પ દરમિયાન જિલ્લા ભાજપ મહામંત્રી ભોવાનભાઈ ચોહાણ, તાલુકા ભાજપ પ્રમુખ રમેશભાઈ ગાગીયા, જિલ્લા ભાજપ ઉપપ્રમુખ કૌશિકભાઈ રાબડિયા, અરશીભાઈ કરગીયા, હીરજીભાઈ ચાવડા અને ભવદિપભાઈ પડિયા સહિતના આગેવાનો હાજર રહ્યા હતા.
આ ઉપરાંત, જામજોધપુર તાલુકા પ્રભારી ભરતભાઈ અકબરી, તાલુકા ભાજપ મહામંત્રી રવિન્દ્રસિંહ કચ્વા, હિટલરભાઈ રોકડ અને માર્કેટ યાર્ડ ચેરમેન કાનાભાઈ આંબલિયા સહિતના આગેવાનો, કાર્યકરો અને રક્તદાતાઓ પણ જોડાયા હતા. રક્તદાતાઓને અભિનંદન પાઠવવામાં આવ્યા હતા અને સેવાભાવી કાર્યકરોનો આભાર વ્યક્ત કરાયો હતો.