એક લેબોરેટરીના સંશોધકના મૃત્યુ બાદ સેંકડો લોકોને ક્વોરેન્ટાઇન કરાયા
સાયબેરિયામાં પ્લેગ અને અન્ય ચેપી રોગોના અભ્યાસ માટે સમર્પિત સંસ્થાના એક પ્રયોગશાળા કર્મચારીનું રહસ્યમય બીમારીને કારણે મૃત્યુ થયા બાદ રશિયન સત્તાવાળાઓએ “રોગચાળા-વિરોધી પગલાં” લાગુ કર્યા છે.
ચેપી રોગોનું સંચાલન કરતી રશિયન એજન્સી ‘રોસ્પોટ્રેબનાડઝોર‘ (ઇર્જॅર્ંિીહ્વહટ્ઠઙ્ઘર્ડિ) ના જણાવ્યા અનુસાર, શેલેખોવ શહેરમાં આવેલી સાયબેરિયાની ‘ઇર્કુત્સ્ક રિસર્ચ એન્ટી-પ્લેગ ઇન્સ્ટિટ્યૂટ‘ની ૨૮ વર્ષીય મહિલા લેબોરેટરી ટેકનિશિયનનું “અજ્ઞાત” મૂળ ધરાવતા ન્યુમોનિયાનું નિદાન થયા બાદ મૃત્યુ થયું હતું.
પૂર્વી રશિયામાં મંગોલિયાની સરહદ નજીક આવેલા શેલેખોવસ્કી જિલ્લાના મેયર મેક્સિમ મોડિને જણાવ્યું હતું કે સત્તાવાળાઓ “રોગચાળા-વિરોધી પગલાંનો વ્યાપક સમૂહ” અમલમાં મૂકી રહ્યા છે. અધિકારીઓ દ્વારા ગયા અઠવાડિયે મહિલાના મૃત્યુની પુષ્ટિ કરવામાં આવી હતી.
મોડિને કહ્યું કે જે હોસ્પિટલમાં કર્મચારીની સારવાર કરવામાં આવી હતી ત્યાંના ઇનપેશન્ટ વિભાગ (દાખલ દર્દીઓ માટેનો વિભાગ) ને ક્વોરેન્ટાઇન કરવામાં આવ્યો છે અને અનેક વિભાગોએ દર્દીઓને રજા આપવાનું કે નવા દર્દીઓને દાખલ કરવાનું બંધ કરી દીધું છે. સ્થાનિક મીડિયા અહેવાલો અનુસાર, આ વિસ્તારની અન્ય હોસ્પિટલો પણ બંધ કરી દેવામાં આવી છે.
મોડિને જણાવ્યું હતું કે રોસ્પોટ્રેબનાડઝોરના મતે, “દર્દી પાસેથી લેવામાં આવેલા નમૂનાઓમાં કર્મચારીની વ્યાવસાયિક ફરજાે સાથે સંકળાયેલા કોઈ સૂક્ષ્મ જીવાણુઓ મળી આવ્યા નથી.”
મોડિને કહ્યું કે છેલ્લા ૧૦ દિવસમાં સંસ્થાના કર્મચારીઓમાં ચેપી રોગોનો કોઈ કેસ નોંધાયો નથી અને કર્મચારીના તાજેતરના સંપર્કમાં આવેલા તમામ લોકોની તપાસ અને પરીક્ષણ કરવામાં આવી રહ્યું છે.
સ્વતંત્ર પ્રાદેશિક સમાચાર માધ્યમ ‘લ્યુડી બૈકાલા‘ સહિતના બિનસત્તાવાર અહેવાલોમાં જણાવાયું છે કે લગભગ ૨૦૦ લોકો નિરીક્ષણ હેઠળ છે.
રોસ્પોટ્રેબનાડઝોરે અગાઉ કહ્યું હતું કે શેલેખોવ અને રાજ્યની રાજધાની ઇર્કુત્સ્કમાં “સ્વચ્છતા અને રોગચાળાની સ્થિતિ” “સ્થિર” છે.
વેક્સિન એન્ડ ઇન્ફેક્શિયસ ડિસીઝ ઓર્ગેનાઇઝેશનના વાઇરોલોજિસ્ટ એન્જેલા રાસમ્યુસેન,
તેની વેબસાઇટ અનુસાર, એન્ટી-પ્લેગ ઇન્સ્ટિટ્યૂટમાં લગભગ ૯૫ સંશોધકો કાર્યરત છે અને તે એક મુખ્ય સંશોધન અને જાહેર આરોગ્ય સુવિધા છે જે સમગ્ર સાયબેરિયા અને રશિયાના દૂરના પૂર્વ વિસ્તારોમાં ઉચ્ચ-જાેખમ ધરાવતા બેક્ટેરિયલ અને વાયરલ ચેપના ફેલાવા પર નજર રાખવા અને તેને રોકવા માટે જવાબદાર છે.
પડોશી પ્રજાસત્તાક બુર્યાતિયાના વડા, એલેક્સી ત્સિડેનોવે અગાઉ કહ્યું હતું કે કર્મચારીનું મૃત્યુ “કદાચ પ્લેગને કારણે” થયું હતું. તેમણે એ પણ નોંધ્યું હતું કે બુર્યાતિયામાં “પ્લેગનો કોઈ ફેલાવો થયો નથી”.
ન્યુમોનિક પ્લેગ એ પ્લેગના ત્રણ પ્રકારોમાંથી એક છે જે ‘યર્સિનિયા પેસ્ટિસ‘ (રૂીજિૈહૈટ્ઠ ॅીજંૈજ) નામના બેક્ટેરિયાને કારણે થાય છે અને શ્વસન સંબંધી કણો દ્વારા એક વ્યક્તિથી બીજી વ્યક્તિમાં સરળતાથી ફેલાઈ શકે છે.
બાકીના બે પ્રકારો સામાન્ય રીતે ચેપગ્રસ્ત ચાંચડ, પ્રાણીઓ અથવા ચેપગ્રસ્ત પેશીઓના સંપર્કથી ફેલાય છે.
પ્રયોગશાળાની નજીક આવેલા એક એલ્યુમિનિયમ પ્લાન્ટે સાવચેતીના પગલા તરીકે કર્મચારીઓને માસ્ક પહેરવાની સૂચના આપી હતી. ઇર્કુત્સ્ક એલ્યુમિનિયમ પ્લાન્ટના ડિરેક્ટર આર્તેમ ફોમિનિખે પણ શાંતિ જાળવવાની અપીલ કરી હતી અને નોંધ્યું હતું કે “ઘણી અફવાઓ અને પરસ્પર વિરોધાભાસી અહેવાલો ફેલાઈ રહ્યા છે.”
રોસ્પોટ્રેબનાડઝોરના ભૂતપૂર્વ વડા ગેન્નાડી ઓનિશેન્કોએ શુક્રવારે જણાવ્યું હતું કે ઇર્કુત્સ્ક પ્રદેશમાં જાેવા મળેલ ચેપ “સંભવત: પ્લેગ નથી, પરંતુ જાે તેની પુષ્ટિ થાય તો પણ આ રોગનો ફેલાવો થશે નહીં.”
ઓનિશેન્કોએ સરકારી સમાચાર એજન્સી ્છજીજી ને જણાવ્યું હતું કે ઠંડા હવામાનની શરૂઆત સંભવત: આ રોગના ફેલાવાને અટકાવશે.