સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ ધોરણ XII બોર્ડ પરીક્ષાની ઉત્તરવહીઓની સ્કેન કરેલી ફોટોકોપી મેળવવાની છેલ્લી તારીખ લંબાવી છે.
એક અખબારી યાદીમાં, બોર્ડે જણાવ્યું હતું કે CBSE વેબસાઇટ છેલ્લા કેટલાક દિવસોથી અભૂતપૂર્વ ટ્રાફિકનો સામનો કરી રહી છે અને અનધિકૃત દખલગીરીના અનેક પ્રયાસો પણ જાેવા મળ્યા છે, જેના કારણે તે વિક્ષેપોનો ભોગ બની રહી છે.
લંબાવવામાં આવેલી છેલ્લી તારીખ હવે ૨૪ મે, ૨૦૨૫ છે.
“CBSE વેબસાઇટ છેલ્લા કેટલાક દિવસોથી અભૂતપૂર્વ ટ્રાફિકનો સામનો કરી રહી છે અને અનધિકૃત દખલગીરીના અનેક પ્રયાસોનો પણ સામનો કરવો પડ્યો છે, જેના કારણે તે વિક્ષેપોનો ભોગ બની રહી છે. તેથી, કોઈ પણ વિદ્યાર્થી પાછળ ન રહી જાય તે સુનિશ્ચિત કરવાના પ્રયાસમાં, બોર્ડ ધોરણ XII બોર્ડ પરીક્ષાઓની ઉત્તરવહીની સ્કેન કરેલી ફોટોકોપી મેળવવાની છેલ્લી તારીખ લંબાવી રહ્યું છે.”
બોર્ડે એ પણ માહિતી આપી હતી કે વિદ્યાર્થીઓને હવે તેમની ઉત્તરવહીની સ્કેન કરેલી ફોટોકોપી મળ્યા પછી બે દિવસ સુધીનો સમય મળશે જેથી તેઓ અવલોકન કરાયેલા મુદ્દાઓની ચકાસણી અથવા પુન:મૂલ્યાંકનના આગામી પગલા માટે અરજી કરી શકે.
“ઉમેદવારોને વિસ્તૃત સમયમર્યાદાનો ઉપયોગ કરવાની અને તે મુજબ અરજી કરવાની સલાહ આપવામાં આવે છે. અગાઉ ઉલ્લેખિત તમામ નિયમો અને શરતો સમાન રહે છે.”