રાજસ્થાન પોલીસના આતંકવાદ વિરોધી ટુકડી (ATS) દ્વારા જયપુર, અજમેર, ચુરુ, ડુંગરપુર, બાડમેર અને એક ડઝનથી વધુ અન્ય શહેરોમાં પાકિસ્તાની જાસૂસી એજન્સી ઇન્ટર-સર્વિસિસ ઇન્ટેલિજન્સ હેન્ડલર શહઝાદ ભટ્ટી સાથે કથિત રીતે જાેડાયેલા લોકોના પરિસરમાં દરોડા પાડ્યા હતા અને પૂછપરછ માટે લગભગ ૩૦ શંકાસ્પદોની અટકાયત કરી હતી.
દિલ્હી પોલીસે કહ્યું હતું કે, તેમણે ભટ્ટીના ઈશારે કામ કરતા એક કથિત આંતરરાજ્ય આતંકવાદ અને શસ્ત્ર નેટવર્કનો પર્દાફાશ કર્યો હતો, જેમાં પંજાબના રહેવાસીઓ શુભદીપ સિંહ (૨૩), ગુરજંત સિંહ (૨૨), સાજન સિંહ (૨૮) અને ગગનપ્રીત (૨૪) ની ધરપકડ કરવામાં આવી હતી.
દિલ્હી પોલીસે જણાવ્યું હતું કે ચારમાંથી એકે કથિત રીતે રાજધાનીમાં પોલીસ મથકો અને ધાર્મિક સ્થળોની જાસૂસી કરી હતી. તેમણે ઉમેર્યું હતું કે આ મોડ્યુલને દિલ્હી અને પડોશી વિસ્તારોમાં આતંકવાદી હુમલો કરવા માટે ભરતી કરવામાં આવ્યો હતો અને શોધ ટાળવા માટે વિદેશી ફોન નંબરોનો ઉપયોગ કરીને તેમના હેન્ડલર સાથે વાતચીત કરતો હતો.
રાજસ્થાન ATS એ જણાવ્યું હતું કે ભટ્ટી યુવાનોને ઓનલાઈન ગેમ્સ, પૈસા અને ગેંગસ્ટરો અને આતંકવાદીઓ સાથે સંકળાયેલા ગ્લેમરથી લલચાવવા માટે સોશિયલ મીડિયાનો ઉપયોગ કરે છે. તપાસકર્તાઓને શંકા છે કે તે પછી પોતાનું નેટવર્ક વિસ્તૃત કરે છે અને સંવેદનશીલ સ્થળોને લગતી ફોટોગ્રાફ્સ અને અન્ય માહિતી મેળવે છે.
પોલીસ અધિક્ષક (ATS) મનીષ ત્રિપાઠીએ જણાવ્યું હતું કે એજન્સીને રાજસ્થાનમાં શંકાસ્પદો ભટ્ટીના સોશિયલ મીડિયા એકાઉન્ટ્સ સાથે જાેડાયેલા હોવાની ગુપ્ત માહિતી મળી હતી. “ઇનપુટ્સની ચકાસણી કર્યા પછી, અમે ગુરુવારે કાર્યવાહી શરૂ કરી,” તેમણે કહ્યું.
ત્રિપાઠીએ જણાવ્યું હતું કે છ્જી એ કાર્યવાહી કરતા પહેલા સોશિયલ મીડિયા દ્વારા ભટ્ટી સાથે જાેડાયેલા લોકોની યાદી તૈયાર કરી હતી. તેમણે ઉમેર્યું હતું કે તપાસકર્તાઓ તપાસ કરી રહ્યા છે કે શંકાસ્પદોની લિંક્સ સોશિયલ મીડિયા સુધી મર્યાદિત હતી કે ઓનલાઇન વાતચીતથી આગળ વધી હતી. “જાે કોઈ વ્યક્તિનું કનેક્શન સોશિયલ મીડિયા સુધી મર્યાદિત હોવાનું જાણવા મળ્યું હોય, તો પૂછપરછ પછી તેમના ઇલેક્ટ્રોનિક ઉપકરણો પરત કરવામાં આવ્યા હતા.”
ત્રિપાઠીએ કહ્યું કે કેટલાકની ભૂમિકા શંકાસ્પદ હોવાનું બહાર આવ્યું છે. “તેમના પૃષ્ઠભૂમિ, ગુનાહિત રેકોર્ડ અને બેંક ખાતાઓની ચકાસણી કરવામાં આવી રહી છે. જાે જરૂર પડે તો તેમની વધુ પૂછપરછ કરવામાં આવશે,” તેમણે કહ્યું. તેમણે ઉમેર્યું હતું કે કામગીરી શુક્રવાર સાંજ સુધીમાં પૂર્ણ થવાની અપેક્ષા છે. છ્જી તપાસના ભાગ રૂપે શંકાસ્પદોના મોબાઇલ ફોન અને સોશિયલ મીડિયા એકાઉન્ટ્સની તપાસ કરી રહી છે.
૨૨ જૂનના રોજ, છ્જી એ જણાવ્યું હતું કે તેણે ગેરકાયદેસર પ્રવૃત્તિઓ (નિવારણ) અધિનિયમ હેઠળ જયપુરમાં જૈશ-એ-મોહમ્મદ સાથે જાેડાયેલી કથિત કાર્યકર્તા બબીતા ઉર્ફે ખાદીજાની ધરપકડ કરી હતી. તપાસકર્તાઓએ આરોપ લગાવ્યો હતો કે તેણીએ જૈશના કમાન્ડર સાથે ઓનલાઈન લગ્ન કર્યા હતા અને પાકિસ્તાન ભાગી જવાની યોજના બનાવી રહી હતી.