બોટાદ જિલ્લાના બરવાળા તાલુકાના એક ગામથી પરણીત મહિલાનો ૧૮૧ મહિલા હેલ્પલાઇન પર કોલ આવેલ અને જણાવેલ કે તેમના પતિ મારપીટ કરી અને ઘરેથી કાઢી મુકેલ છે તેઓ હાલ પ્રેગનેટ છે તેમને રાખવાની ના પાડે છે તેથી મદદની જરૂર છે જેથી બોટાદ અભયમ ટીમના કાઉન્સેલર પરમાર જલ્પાબેન કોન્સ્ટેબલ અલ્પાબેન અને પાયલોટ ઝાલા કુલદીપભાઈ તાત્કાલિક મહિલાની મદદ માટે રવાના થયેલ સ્થળ પર પહોંચેલ કાઉન્સેલિંગમાં મહિલાએ જણાવેલ કે તેમના લગ્નને નવ વર્ષ થયેલ છે અને સંતાનમાં બે બાળકો છે તેમજ હાલ ચાર મહિનાની પ્રેગનેન્સી છે તેમના પતિ કાયમ મહિલા ઉપર શંકા કરી અને મારપીટ કરતા હોય અને મહિલાને સંતાનમાંનાના બાળકો છે તો પણ બહાર કામે જવા માટે ફોર્સ કરી ઝઘડો કરે છે બહેન હાલ પ્રેગ્નેટ છે તો કામ કરી શકે તેવી હાલતમાં ન હોય તેથી મહિલાએ બહાર કામે જવાની ના પાડેલ તો મહિલાના પતિએ ઘરેથી કાઢી મુકેલ અને બંને બાળકો પણ લઈ લીધેલ તેથી મહિલા પિયરમાં જતી રહી અને દસ દિવસ બાદ માતા-પિતા સાથે બાળકો લેવા આવેલ તો પતીએ બાળકો આપવાની ના પાડેલ અને તને રાખવી નથી તું તારા પિયરમાં જતી રહે તેમ કહી કાઢી મુકેલ. ત્યારબાદ પરણીતા એ ૧૮૧ મહિલા હેલ્પલાઇનને કોલ કરી મદદ મેળવતા ૧૮૧ ની ટીમે સામે પક્ષનો અસરકારક કાઉન્સેલિંગ કર્યું અને કાયદાકીય સમજ આપી સલાહ-સૂચન આપેલ અને જણાવેલ કે હાલ બહેન પ્રેગનેંટ છે તો પતિના હૂંફ નું જરૂર હોય છે અને આ સમય દરમ્યાન પત્નીના સ્વથ્યનું ધ્યાન રાખવા જણાવેલ અને પતિ – પત્નીના મતભેદ દૂર કરેલ. પતિએ પોતાની ભૂલ સ્વીકારી અને ખાતરી આપતાં જણાવેલ કે હવે પછી હું માંરી પત્ની સાથે સારી રીતે રહીશ આમ પતિ પત્નીના ઝઘડાનું સ્થળ પર સમાધાન કરાવેલ અને એક દાંમ્પત્ય જીવન તૂટતા બચાવેલ. આ માટે પીડિત મહિલાએ અને તેમના પરિવારે અભયમ ટીમનો આભાર માન્યો હતો…
તસવીરઃ વિપુલ લુહાર,રાણપુર
