જિલ્લાના ૫૦ શાળાઓના ખેલ શિક્ષક અને ખેલાડી વિદ્યાર્થીઓ ફૂટબોલ ગ્રહણ કરવા માટે હાજર રહ્યા
ઓલ ઈન્ડિયા ફૂટબોલ ફેડરેશન (એ.આઈ.એફ.એફ.) અને ફેડરેશન ઈન્ટરનેશનલ ડી ફૂટબોલ એસોસિએશન (ફીફા) ના સહયોગથી શાળા શિક્ષણ અને લિઅરસી વિભાગે સમગ્ર દેશમાં શાળાના વિદ્યાર્થીઓ માટે ફીફાનો મહત્વાકાંક્ષી ફૂટબોલ ફોર સ્કૂલ (એફ.ફોર.એસ) કાર્યક્રમ શરૂ કર્યો છે.આ કાર્યક્રમનો ઉદ્દેશ શાળા સેટિંગમાં લિંગને ધ્યાનમાં લીધા વિના વિદ્યાર્થીઓ માટે ફૂટબોલની સુલભતાને નોંધપાત્ર રીતે વિસ્તૃત કરવાનો છે,જ્યારે વિવિધ હિસ્સેદારો સાથે મળીને શિક્ષણ પ્રણાલીમાં ફૂટબોલ સંબંધિત પ્રવૃત્તિઓને એકીકૃત કરવાનો છે.
કઠલાલ ખાતે આ કાર્યક્રમમાં અમૂલ ડેરી ચેરમેન વિપુલભાઈ પટેલ,હર્ષદભાઈ પટેલ ,ગોપાલભાઈ પટેલ,આચાર્ય અનિલ કામ્બલે ઉપસ્થિત રહ્યા હતા.
આ કાર્યક્રમ હેઠળ,તબક્કાવાર રીતે સમગ્ર દેશમાં ૧૧ લાખથી વધુ ફીફા ફૂટબોલનું વિતરણ કરવામાં આવનાર છે.૧.૫૦ લાખથી વધુ શાળાઓને આ કાર્યક્રમનો લાભ મળશે, કાર્યક્રમના ભાગ રૂપે, ક્ષમતા નિર્માણમાં વધારો કરવા માટે તાજેતરમાં આ વિભાગે 3 સ્થળોએ સંબલપુર, પુણે અને બેંગલુરુ ખાતે માસ્ટર ટ્રેનિંગ પ્રોગ્રામનું આયોજન કર્યું છે.
જ્યાં રાજ્યોમાંથી લગભગ ૩૦૦ શારીરિક શિક્ષણ શિક્ષકો, પ્રશિક્ષણાર્થીઓ સમગ્ર ભારતમાં યુ.ટી.એસ, કે.બી.એસ ,એન.વી.એસ અને એ.આઈ.એફ.એફ શ્રેષ્ઠમાંથી શીખવા અને ક્ષેત્રમાં વધુ ક્ષમતા નિર્માણ માટે રાજ્ય સ્તરે માસ્ટર ટ્રેનર તરીકે તેમની તાલીમ અને કૌશલ્યોનો વધુ ઉપયોગ કરવાના ઉદ્દેશ્ય સાથે ભાગ લીધો છે.આ કાર્યક્રમ માટે જવાહર નવોદય વિદ્યાલય, કઠલાલમાં એફ ફોર.એસ પ્રોગ્રામ હેઠળ ફૂટબોલ વિતરણ જિલ્લા સ્તરીય કાર્યક્રમ આયોજન કરવામાં આવ્યું હતું.આ કાર્યક્રમ માં જિલ્લાના ૫૦ શાળાઓ ના ખેલ શિક્ષક અને શ્રેષ્ઠ ખેલાડી વિદ્યાર્થીઓ ફૂટબોલ ગ્રહણ કરવા માટે હાજર રહ્યા હતા.
