જામનગર શહેરમાં આજે પીજીવીસીએલની સેન્ટ્રલ ઝોન પેટા વિભાગની કચેરી ખાતે માર્ચ મહિના અન્વયે બાકી વીજબિલના નાણાંની રિકવરી માટે માસ ડિસ્કનેક્શન ડ્રાઈવનું આયોજન કરવામાં આવ્યું છે જેમાં તાલુકા પંચાયત, માધવ સ્કેવર વાળો વિસ્તાર, લીમડા લાઈન, ભીડભંજન મહાદેવ મંદિર પાસે વિસ્તાર, સીટી પોઈન્ટ વિસ્તાર, બદરી કોમ્પ્લેક્સ આસપાસનો વિસ્તાર, અનુપમ ટોકીઝ, ધણશેરી, વાલકેશ્વરી, ઇન્દિરા માર્ગ, પ્રદર્શન ગ્રાઉન્ડ વિસ્તાર, પંચેશ્વર ટાવર વિસ્તાર, નવાગામનો વિસ્તાર, ભીમવાસનો વિસ્તાર, માંડવી ટાવરનો વિસ્તાર, વગેરે વિસ્તારો આવરી લેવામાં આવ્યા છે.
જ્યાં નાણાંની રિકવરી માટે 10 જેટલા પોલીસ જવાનો તથા બે નાયબ ઈજનેર તથા 6 જુનિયર ઈજનેરો તથા અન્ય ટેક્નીકલ ટીમો સાથે ગ્રાહકોને ઘરે ઘરે પહોંથી વીજજોડાણો કાપવાની કામગીરી શરૂ કરવામાં આવી છે. સ્વવિશેષમાં કેશ વિન્ડોએ જેમ ગ્રાહકોના નાણાં સ્વીકારવામાં આવે છે, તે રીતે ગ્રાહકોના ઘરે જઈને વીજ બિલ ના બાકી નાણાં ભરપાઈ કરવા ઈચ્છતા ગ્રાહકોને સ્થળ પર જ વીજ બિલ ભર્યાની રસીદ આપવાની સુવિદ્યા પણ રાખવામાં આવી. તેમજ કેશ વિન્ડો પર નાણાં સ્વીકારવા માટેનો સમયગાળો પણ વધારી દેવામાં આવ્યો છે. આ અંગે સેન્ટ્રલ ઝોન કચેરી, નાયબ ઈજનેર, અજય પરમાર દ્વારા’વીજજોડાણ કાપવાની પરિસ્થિતિ ટાળવા’ લોકોને વીજ બિલના નાણાં સમયસર ભરી દેવા અપીલ કરવામાં આવી છે.