GCC બેઠકની અધ્યક્ષતા કતારના વડા પ્રધાન અને વિદેશ પ્રધાન શેખ મોહમ્મદ બિન અબ્દુલરહમાન અલ-થાનીએ કરી હતી.
જીસીસીના તમામ વિદેશ મંત્રીઓએ બેઠકમાં હાજરી આપી હતી
ગલ્ફ દેશોની સંસ્થા ય્ઝ્રઝ્ર (ગલ્ફ કોઓપરેશન કાઉન્સિલ) ની ૧૬૧મી મંત્રી સ્તરીય બેઠક સોમવારે સાઉદી અરેબિયાના રિયાધમાં પૂર્ણ થઈ હતી, જેની અધ્યક્ષતા કતારના વડા પ્રધાન અને વિદેશ પ્રધાન શેખ મોહમ્મદ બિન અબ્દુલરહમાન અલ-થાનીએ કરી હતી. આ બેઠકમાં જીસીસીના તમામ વિદેશ મંત્રીઓએ ભાગ લીધો હતો.
આ સિવાય ય્ઝ્રઝ્રએ વિશેષ અતિથિઓ રશિયા, ભારત અને બ્રાઝિલ સાથે ત્રણ અલગ-અલગ મંત્રી સ્તરીય બેઠકો યોજી હતી. રશિયન વિદેશ પ્રધાન સેરગેઈ લવરોવ સાથે સાતમી ય્ઝ્રઝ્ર-રશિયા વ્યૂહાત્મક સંવાદ મંત્રી સ્તરીય બેઠક, ભારતીય વિદેશ પ્રધાન એસ. જયશંકર સાથે અને ય્ઝ્રઝ્ર-બ્રાઝિલની બેઠક બ્રાઝિલના વિદેશ મંત્રી મૌરો વિએરા સાથે યોજાઈ હતી. સાઉદીના વિદેશ મંત્રી પ્રિન્સ ફૈઝલ બિન ફરહાન અને નાયબ વિદેશ મંત્રી વાલીદ અલખેરીજીએ તમામ બેઠકોમાં ભાગ લીધો હતો.
આ બેઠકોમાં જીસીસીએ ત્રણેય દેશો સાથે સહકાર વધારવા અંગે ચર્ચા કરી હતી. ય્ઝ્રઝ્રના મહાસચિવ જસિમ અલ્બુદાવીએ કહ્યું કે સંયુક્ત મંત્રી સ્તરીય બેઠકોનો હેતુ દેશો અને સંગઠનો સાથે વ્યૂહાત્મક સંબંધોને મજબૂત કરવાનો છે. આ બેઠકે પ્રાદેશિક અને આંતરરાષ્ટ્રીય મુદ્દાઓ પર સંકલન વધારવાની જરૂરિયાત પર ભાર મૂક્યો હતો અને વૈશ્વિક ટકાઉ વિકાસ લક્ષ્યોને હાંસલ કરવા દેશો વચ્ચે સહકાર અને મજબૂત આર્થિક સંબંધોના મહત્વ પર ભાર મૂક્યો હતો.
અલ્બુદાઈવીએ કહ્યું કે તમામ દેશો સંબંધોને મજબૂત કરવા અને વિવિધ ક્ષેત્રોમાં સાથે મળીને કામ કરવા સંમત થયા છે.
પ્રથમ ય્ઝ્રઝ્ર-ભારત બેઠકમાં, ચર્ચા આંતરરાષ્ટ્રીય સુરક્ષા અને શાંતિ પર કેન્દ્રિત હતી. ભારત તરફથી, વિદેશ મંત્રી એસ જયશંકરે પ્રતિનિધિમંડળ સાથે આ બેઠકમાં ભાગ લીધો હતો. બેઠક દરમિયાન, અલ્બુદાઈવીએ કહ્યું કે ય્ઝ્રઝ્ર દેશો અને ભારત વચ્ચેના સંબંધો ઐતિહાસિક અને ઊંડા છે, જે ઘણી સદીઓ પહેલાના છે અને પરસ્પર વિશ્વાસ અને સહકારના પાયા પર બનેલા છે. તેમણે કહ્યું કે આ સંબંધો સતત મજબૂત થઈ રહ્યા છે, જે વિવિધ ક્ષેત્રોમાં ભાગીદારી વધારવા બંને પક્ષોની ઈચ્છા દર્શાવે છે.
બેઠકમાં ઘણા મુદ્દાઓ પર ચર્ચા કરવામાં આવી હતી, જેમાં સાથે મળીને કામ કરવાની રીતો અને ય્ઝ્રઝ્ર અને ભારત વચ્ચે સહકારને પ્રોત્સાહન આપવામાં આવ્યું હતું. આ બેઠકમાં ય્ઝ્રઝ્ર દેશોએ રશિયા, ભારત અને બ્રાઝિલ સાથે ઘણા આંતરરાષ્ટ્રીય મુદ્દાઓ પર ચર્ચા કરી. જેમાં યુક્રેન-રશિયા સંકટના શાંતિપૂર્ણ ઉકેલ માટે આંતરરાષ્ટ્રીય સમુદાયના પ્રયાસો અંગે ચર્ચા કરવામાં આવી હતી.
અલ્બુદાઈવીએ પેલેસ્ટિનિયન લોકો સાથે જીસીસીની એકતા અંગે પણ સ્પષ્ટતા કરી અને તાત્કાલિક અને કાયમી યુદ્ધવિરામની માંગણી કરી. જીસીસીની બેઠકમાં ગાઝાને માનવતાવાદી અને રાહત સહાય આપવા પર ભાર મૂકવામાં આવ્યો હતો, જેથી પેલેસ્ટિનિયન લોકોની પીડા ઓછી થઈ શકે.