સુરતમાં ગણેશ વિસર્જન દરમિયાન સંભવિત અકસ્માતોને ધ્યાનમાં રાખીને નવી સિવિલ અને સ્મીમેર હોસ્પિટલમાં ખાસ તૈયારીઓ કરવામાં આવી છે. વિસર્જનના દિવસોમાં માર્ગ અકસ્માતો, ડૂબવા, વીજ કરંટ અને પંડાલો પર અકસ્માતોની સંખ્યામાં વધારો થાય છે, જેના કારણે હોસ્પિટલ મેનેજમેન્ટે ટ્રોમા સેન્ટરમાં 24 કલાક સેવાઓ પૂરી પાડતી ટીમ તૈનાત કરી છે.
હોસ્પિટલના અધિકારીઓએ જણાવ્યું હતું કે, ગણેશ વિસર્જન દરમિયાન દર વર્ષે સેંકડો અકસ્માતો થાય છે, જેમાં માર્ગ અકસ્માતો તેમજ પંડાલમાં આગ, વીજ કરંટ, પાણીમાં ડૂબી જવા અને ઊંચાઈ પરથી પડવા જેવી ઘટનાઓ મુખ્ય છે.
આ તમામ અકસ્માતનો ભોગ બનેલા લોકો પહેલા નવી સિવિલ અને સ્મીમેર સહિતની સરકારી હોસ્પિટલે પહોંચે છે. સામાન્ય દર્દીઓ સિવાય આ દિવસોમાં દર્દીઓની સંખ્યામાં વધારો થઈ રહ્યો છે. તેને ધ્યાનમાં રાખીને હોસ્પિટલ પ્રશાસને અત્યારથી જ તૈયારીઓ કરી લીધી છે. જેથી, કોઈપણ ઈમરજન્સી પરિસ્થિતિનો સામનો કરી શકાય.