શ્રી નૂતન કેળવણી મંડળ સંચાલિત જે.વી મોદી હાઇસ્કુલમાં ઓનલાઇન સ્ટેમ ક્વિઝ યોજાઇ. ગુજ કોસ્ટ ડી. એસ. ટી ગવર્મેન્ટ ઓફ ગુજરાત અને લોક વિજ્ઞાન કેન્દ્ર અને બાલ ભવન અમરેલીના સંપૂર્ણ સહયોગથી ડાયરેક્ટર નિલેશભાઈ પાઠક અને આસિસ્ટન્ટ ચેતનભાઇ પાઠકના માર્ગદર્શન નીચે શાળાના ધોરણ ૯ થી ૧૨ ના ૧૫૦ વિદ્યાર્થીઓને ઓનલાઈન રજીસ્ટ્રેશન કરાવી સ્ટેમ ક્વિઝ સફળતાપૂર્વક આયોજન કરવામાં આવ્યું હતું.
જેમાં ચેતનભાઇ પાઠકની હાજરીમાં શાળાના વિજ્ઞાન શિક્ષકો નીતિનભાઈ સાવજ અને હરેશભાઈ ગુજરાતીએ આ પરીક્ષા માટેની વ્યવસ્થા અને માર્ગદર્શન વિદ્યાર્થીઓને આપ્યું હતું અને વિદ્યાર્થીઓએ પણ ખૂબ જ ઉત્સાહભેર ઓનલાઇન સ્ટેમ ક્વિઝમાં ભાગ લીધો હતો. જેમાં સમગ્ર સ્ટાફનો સહયોગ સાપડ્યો હતો. પરીક્ષાના સફળ આયોજન બદલ શ્રી નૂતન કેળવણી મંડળ ટ્રસ્ટીઓ અને આચાર્ય આશિષભાઈ જોશીએ બધાને અભિનંદન આપ્યા હતા.
બિપીન પાંધી સાવરકુંડલા