છોટાઉદેપુર તાલુકાના લગામી ગામે છોટાઉદેપુર તાલુકા પંચાયતના કારોબારી અધ્યક્ષ અને આદિવાસી સમાજના આગેવાન રાજેશભાઈ રાઠવા દ્વારા સમસ્ત આદિવાસી સમાજ મહાપંચાયતનું આયોજન કરવામાં આવ્યું હતું. આ મહાપંચાયત કાર્યક્રમમાં સરપંચો જિલ્લા પંચાયતના સદસ્યો તાલુકા પંચાયતના સદસ્યો આદિવાસી સમાજના આગેવાનો અને ખૂબ મોટી સંખ્યામાં આસપાસના લોકો ઉપસ્થિત રહ્યા હતા.
આ મહા પંચાયતમાં સામાજિક દુષણો દૂર કરવા માટે વિવિધ મુદ્દાઓ પર ચર્ચા અને આયોજન કરવામાં આવ્યું હતું. આદિવાસી સમાજમાં શિક્ષણની ગુણવત્તાની સુધારણા માટે વિવિધ મુદ્દાઓની ચર્ચા અને આયોજન કરાયું હતું. આદિવાસી સમાજમાં સ્વાસ્થય ગુણવત્તાની સુધારણા માટે વિવિધ મુદ્દાઓને ચર્ચા અને આયોજન પણ કરાયું હતું. સાથે સાથે છોટાઉદેપુર તાલુકામાં આદિવાસી સમાજની મંડળ રચના માટે પણ આયોજન કરવામાં આવ્યું હતું.
રિપોર્ટર રેહાન પટેલ છોટાઉદેપુર