રાષ્ટ્રપતિ ડોનાલ્ડ ટ્રમ્પના આદેશ પર ઇમિગ્રેશન મુદ્દે મોટી કાર્યવાહી
એક અહેવાલ મુજબ, અમેરિકાનું એક લશ્કરી વિમાન પ્રવાસીઓને ભારત મોકલી રહ્યું છે. આ માહિતી એક અમેરિકન અધિકારીએ આપી છે. રાષ્ટ્રપતિ ડોનાલ્ડ ટ્રમ્પ તેમના ઇમિગ્રેશન એજન્ડાને અમલમાં મૂકવા માટે સેનાની મદદ લઈ રહ્યા છે, જેમાં યુએસ-મેક્સિકો સરહદ પર વધારાના સૈનિકો મોકલવા, પ્રવાસીઓને દેશમાંથી બહાર કાઢવા માટે લશ્કરી વિમાનોનો ઉપયોગ કરવો અને તેમને રહેવા માટે સૈન્ય અડ્ડાઓ ખોલવાનો સમાવેશ થાય છે. એક અહેવાલમાં અધિકારીને ટાંકીને જણાવ્યું કે ઝ્ર-૧૭ વિમાન પ્રવાસીઓને લઈને ભારત માટે રવાના થઈ ચુક્યું છે.
અમેરિકી ડોનાલ્ડ ટ્રમ્પે અમેરિકાના ઇતિહાસમાં સૌથી મોટા દેશનિકાલનું વચન આપ્યું હતું અને યુએસ ઇમિગ્રેશન અને કસ્ટમ્સ એન્ફોર્સમેન્ટ (ૈંઝ્રઈ) એ દેશનિકાલ માટે ચિહ્નિત કરાયેલા ૧૫ લાખ લોકોમાંથી લગભગ ૧૮,૦૦૦ અનડોક્યુમેન્ટેડ ભારતીય નાગરિકોની પ્રારંભિક યાદી તૈયાર કરી છે.
અલગ અલગ સ્થાનો થી પકડવામાં આવેલ જેમ કે, પેન્ટાગોને ટેક્સાસના એલ પાસો અને કેલિફોર્નિયાના સાન ડિએગોમાં યુએસ અધિકારીઓ દ્વારા પકડાયેલા ૫,૦૦૦ થી વધુ ઇમિગ્રન્ટ્સને દેશની બહાર કરવા માટે ફ્લાઇટ્સ પણ શરૂ કરી દીધી છે. અત્યાર સુધી, લશ્કરી વિમાનોએ પ્રવાસીઓને ગ્વાટેમાલા, પેરુ અને હોન્ડુરાસ પહોંચાડ્યા છે. લશ્કરી ફ્લાઇટ્સ પ્રવાસીઓને લઈ જવાની એક ખર્ચાળ રીત છે. મળતી માહિતી મુજબ ગયા અઠવાડિયે ગ્વાટેમાલા જવા માટે એક લશ્કરી ડિપોર્ટિંગ ફ્લાઇટનો ખર્ચ પ્રતિ પ્રવાસી ઓછામાં ઓછો ઇં૪,૬૭૫ હતો.