રાજસ્થાનમાં ધારાસભ્ય ૨૦ લાખની લાંચમાં ઝડપાયા
રાજસ્થાનમાં એન્ટી કરપ્શન બ્યુરો (ACB)એ મોટી કાર્યવાહી કરી છે. એસીબીએ બાંસવાડા જિલ્લાના બાગીદોરા વિધાનસભા મતવિસ્તારમાં ભારત આદિવાસી પાર્ટી ના ધારાસભ્ય જયકૃષ્ણ પટેલના ગનમેનને ૨૦ લાખ રૂપિયાની લાંચ લેતા પકડી પાડ્યો છે. ધારાસભ્યનો ગનમેન લાંચની રકમ લઈને સ્થળ પરથી ભાગી ગયો. એવું કહેવામાં આવી રહ્યું છે કે ધારાસભ્યએ ૨.૫ કરોડ રૂપિયાની માંગણી કરી હતી.
મીડિયા સૂત્રો દ્વારા મળતી માહિતી મુજબ, ડીજી રવિ પ્રકાશ મહેરા, એડીજી સ્મિતા શ્રીવાસ્તવ, ડીઆઈજી રાહુલ કોટોકીના નિર્દેશ હેઠળ ભારતીય આદિવાસી પાર્ટીના ધારાસભ્ય જયકૃષ્ણ પટેલ સામે કાર્યવાહી કરવામાં આવી હતી. આ કાર્યવાહી અંગે, ACB ડીજી રવિ પ્રકાશ મહેરા રવિવારે સાંજે ૫:૩૦ વાગ્યે પ્રેસ કોન્ફરન્સ કરશે.
વિધાનસભા પેટાચૂંટણીમાં ભારતીય આદિવાસી પાર્ટીએ બાગીદૌરા બેઠક પરથી જયકૃષ્ણ પટેલને મેદાનમાં ઉતાર્યા હતા. તેમણે ભારતીય જનતા પાર્ટીના સુભાષ તંબોલિયાને ૫૧,૪૩૪ મતોના માર્જિનથી હરાવ્યા. જયકૃષ્ણ પટેલને કુલ ૧,૨૨,૫૭૩ મત મળ્યા, જ્યારે ભાજપના ઉમેદવારને ૭૧,૧૩૯ મત મળ્યા. આ બેઠક વર્તમાન ધારાસભ્ય અને પૂર્વ મંત્રી મહેન્દ્રજીત માલવિયાના રાજીનામા બાદ ખાલી પડી હતી.