ડીસા તાલુકાના જાવલ ગામે ખેતરમાં સુઈ રહેલા ખેડૂતની તીક્ષ્ણ હથિયારથી હત્યા થઈ છે. ખેડૂત રાત્રે સાડા નવ વાગ્યે પોતાના ખેતરમાં સુવા ગયા હતા. સવારે મૃતદેહ મળ્યો હતો. માથામાં, જમણા કાન, ગળા અને છાતી પર ઘા મારવામાં આવ્યા હતા.
હત્યામાં તીક્ષ્ણ હથિયારનો ઉપયોગ થયો હતો. ડીસા તાલુકાના જાવલ ગામનાં ખેડૂત ગણેશભાઈ જેઠાભાઈ પટેલ શુક્રવારની રાત્રે સાડા નવ વાગ્યે ખેતરમાં સુવા ગયા હતા. સવારે છ વાગ્યે તેમના ભત્રીજા ઇશ્વરભાઈ દેવરાજભાઈ પટેલને ભાભી સીતાબેને ફોન કરીને જણાવ્યું હતું કે, ગણેશકાકાને વાગ્યું છે, તરત ખેતરે આવો. ઇશ્વરભાઈ ખેતરે પહોંચ્યા ત્યારે ગણેશભાઈ ખાટલામાં મૃત હાલતમાં મળ્યા હતા.
તેમના માથા, જમણા કાન, ગળા અને છાતી પર તીક્ષ્ણ હથિયારના ઘા મારવામાં આવ્યા હતા.અને બોડી લોહી નીકળીને ગંઠાઈ ગયું હતું. પરિવાર અને આગેવાનો ખેતરે આવ્યા બાદ ડીસા રૂરલ પોલીસને જાણ કરવામાં આવી હતી.અને મૃતકનાં કુટુંબીક ભાઈ ઇશ્વરભાઇ દેવરાજભાઈ પટેલે ડીસા રૂરલ પોલીસ મથકે શનિવારે ફરિયાદ નોંધાવી હતી.