કેન્દ્રીય માર્ગ પરિવહન મંત્રી નીતિન ગડકરીએ સોમવારે જણાવ્યું હતું કે કેન્દ્ર સરકાર લગભગ ૨૫ વધુ ગ્રીન એક્સપ્રેસ હાઇવે બનાવી રહી છે જે સમગ્ર ભારતનો નકશો બદલી નાખશે. તેમણે ઉમેર્યું હતું કે કેન્દ્ર દિલ્હીને ટ્રાફિક જામ અને પ્રદૂષણની સમસ્યાઓથી મુક્ત કરવા માટે ૧.૫ લાખ કરોડ રૂપિયાના રસ્તાઓ બનાવી રહ્યું છે.
દિલ્હીને ટ્રાફિક જામથી મુક્ત કરવા માટે ૧.૫ લાખ કરોડ રૂપિયાના રસ્તા બનાવી રહ્યા છીએ
“અમે દિલ્હીમાં એટલા બધા હાઇવે બનાવી રહ્યા છીએ કે અમે દિલ્હીથી દેહરાદૂન ૨ કલાકમાં, દિલ્હીથી અમૃતસર ૩.૫-૪ કલાકમાં, દિલ્હીથી કટરા ૬ કલાકમાં, દિલ્હીથી શ્રીનગર ૮ કલાકમાં, દિલ્હીથી જયપુર ૨ કલાકમાં, ચેન્નાઈથી બેંગલુરુ ૨ કલાકમાં, બેંગલુરુથી મૈસુર ૧ કલાકમાં, મેરઠથી દિલ્હી ૫૦ મિનિટમાં પહોંચી શકીશું. અમે આવા લગભગ ૨૫ વધુ ગ્રીન એક્સપ્રેસ હાઇવે બનાવી રહ્યા છીએ, અને મને લાગે છે કે આનાથી ભારતનો આખો નકશો બદલાઈ જશે…અમે ઉત્તરાખંડમાં કેદારનાથ અને હેમકુંડ રોપવે બનાવી રહ્યા છીએ…અમે દિલ્હીને ટ્રાફિક જામ અને પ્રદૂષણની સમસ્યાઓથી મુક્ત કરવા માટે ૧.૫ લાખ કરોડ રૂપિયાના રસ્તા બનાવી રહ્યા છીએ,” તેમણે કહ્યું હતું.
શ્રીનગર અને જમ્મુ વચ્ચે ૩૬ નવી ટનલ બની રહી છે
નીતિન ગડકરીએ ઉમેર્યું કે કેન્દ્ર સરકાર દ્વારા શ્રીનગર અને જમ્મુ વચ્ચે ૩૬ ટનલ બનાવી રહ્યું છે અને જેમાંથી ૨૩ પૂર્ણ થઈ ગઈ છે અને ૪-૫ ટનલ નિર્માણાધીન છે.
“જાે તમે આજે મનાલીથી રોહતાંગ પાસ જશો, તો અટલ ટનલ દ્વારા ૮ મિનિટ લાગશે, જે પહેલા ૩.૫ કલાક લાગતી હતી… અમે શ્રીનગર અને જમ્મુ વચ્ચે ૩૬ ટનલ બનાવી રહ્યા છીએ. જેમાંથી ૨૩ પૂર્ણ થઈ ગઈ છે. ૪-૫ ટનલ નિર્માણાધીન છે… દિલ્હીથી ચેન્નાઈનું ૨૪૦ કિમીનું અંતર ઘટી ગયું છે. આનાથી કાશ્મીરથી કન્યાકુમારી જવાનું અમારું બાળપણનું સ્વપ્ન પૂર્ણ થયું છે. અમે દિલ્હીમાં ઘણા બધા હાઇવે બનાવી રહ્યા છીએ,” તેમણે કહ્યું.
નીતિન ગડકરીએ વધુમાં ઉમેર્યું હતું કે કેન્દ્ર બંદર જાેડાણ અને ધાર્મિક પર્યટન માટે ૩,૦૦૦ કિમીથી વધુના હાઇવે બનાવી રહ્યું છે, કેન્દ્રએ ૧ લાખ કરોડ રૂપિયાથી વધુના હાઇવે બનાવ્યા છે. “વધુમાં, અમે ૧ લાખ કરોડ રૂપિયાથી વધુના હાઇવે બનાવી રહ્યા છીએ. અમે ૨૨,૦૦૦ કરોડ રૂપિયામાં બુદ્ધ સર્કિટ પૂર્ણ કરી છે. જ્યારે લોકો દક્ષિણ એશિયા, ઇન્ડોનેશિયા, મલેશિયા, ચીન, સિંગાપોર, જાપાનથી ભગવાન ગૌતમ બુદ્ધના જન્મસ્થળ પર આવે છે, ત્યારે તેઓ ઘણી જગ્યાઓની મુલાકાત લેવા માંગે છે અને પર્યટનમાં પણ વધારો થયો છે. ચાર ધામ-બદ્રીનાથ, કેદારનાથ, ગંગોત્રી, યમુનોત્રી, તેનો ટ્રાફિક ત્રણ ગણો વધી ગયો છે. હવે, અમે કેદારનાથ માટે રોપવે બનાવી રહ્યા છીએ, જે ૧૨,૦૦૦ કરોડ રૂપિયાનો પ્રોજેક્ટ પણ છે. ઉત્તરાખંડમાં કૈલાશ માનસરોવરથી પિથોરાગઢને જાેડતા રસ્તાનું ૮૫-૯૦% કામ પણ પૂર્ણ થઈ ગયું છે,” તેમણે કહ્યું.
કેન્દ્રની મોદી સરકારના ૧૧ વર્ષ વિશે વાત કરતા ગડકરીએ કહ્યું કે વડા પ્રધાન મોદીનું સ્વપ્ન છે કે ભારત વિશ્વ ગુરુ, વિશ્વની ત્રીજી સૌથી મોટી અર્થવ્યવસ્થા અને ૫ ટ્રિલિયન ડોલરની અર્થવ્યવસ્થા બને.
“આ સ્વપ્નને પૂર્ણ કરવા માટે, આપણે નિકાસ વધારવી પડશે; ત્યારે જ કૃષિ, સેવા અને ઔદ્યોગિક ક્ષેત્રોમાં વૃદ્ધિ થશે. આપણી સૌથી મોટી સમસ્યા એ હતી કે આપણા દેશનો લોજિસ્ટિક્સ ખર્ચ ૧૬% હતો, ચીન ૮% હતો, અમેરિકા અને અન્ય યુરોપિયન દેશો ૧૨% હતા. હવે, આપણે જે પ્રકારના રસ્તા બનાવ્યા છે, તેનાથી આપણો લોજિસ્ટિક્સ ખર્ચ ૬% ઘટી ગયો છે અને આવતા વર્ષ સુધીમાં, આપણે ૯% પર આવીશું…આપણી નિકાસ વધશે, આપણે વધુ સ્પર્ધાત્મક બનીશું અને આપણો દેશ વિશ્વ ગુરુ બનશે,” તેમણે કહ્યું.