ઈરાનના વળતા પ્રહાર અને વધતા તણાવ વચ્ચે હવે યુરોપના શક્તિશાળી દેશો પણ મેદાનમાં આવ્યા છે. બ્રિટન, ફ્રાન્સ અને જર્મનીએ (ઈ-૩) સ્પષ્ટ કર્યું છે કે તેઓ આ ક્ષેત્રમાં પોતાના હિતોની રક્ષા માટે કોઈ પણ પગલાં લેવા તૈયાર છે. બ્રિટિશ વડાપ્રધાન કીર સ્ટારમરે જાહેરાત કરી છે કે બ્રિટને અમેરિકાની તે વિનંતી સ્વીકારી લીધી છે, જેમાં ઈરાની મિસાઈલ ડેપો અને લોન્ચર્સ પર હુમલો કરવા માટે બ્રિટિશ સૈન્ય મથકોનો ઉપયોગ કરવાની મંજૂરી માંગવામાં આવી હતી. સ્ટારમરે જણાવ્યું કે, ઈરાનને સમગ્ર ક્ષેત્રમાં મિસાઈલ છોડતા રોકવા માટે આ મર્યાદિત અને સંરક્ષણાત્મક ઉદ્દેશ્યથી લેવાયેલો ર્નિણય છે.
વડાપ્રધાને વધુમાં ઉમેર્યું કે, ઈરાન દ્વારા કરાયેલા સતત હુમલાઓમાં એવા એરપોર્ટ અને હોટેલ્સને પણ નિશાન બનાવવામાં આવ્યા છે જ્યાં બ્રિટિશ નાગરિકો રોકાયેલા હતા. બ્રિટિશ ફાઈટર જેટ્સ પહેલેથી જ ઈરાની મિસાઈલોને તોડી પાડવાની કામગીરીમાં સામેલ છે, પરંતુ હવે આ જાેખમને જડમૂળથી ખતમ કરવા માટે તેમના સ્ત્રોત પર હુમલો કરવો જરૂરી બન્યો છે. બ્રિટન, ફ્રાન્સ અને જર્મનીના નેતાઓએ એક સંયુક્ત નિવેદનમાં જણાવ્યું છે કે ઈરાન દ્વારા રવિવારે કરાયેલા “આડેધડ અને અપ્રમાણસર” મિસાઈલ હુમલા બાદ તેઓ પોતાના અને પોતાના સાથી દેશોના હિતોની રક્ષા માટે ડ્રોન અને મિસાઈલ હુમલા કરવા માટે તૈયાર છે.
આ ત્રણેય દેશો હવે અમેરિકા સાથે મળીને આ દિશામાં કામ કરશે.કીર સ્ટારમરે પુનરોચ્ચાર કર્યો કે બ્રિટન શનિવારના તે હુમલામાં સામેલ નહોતું જેમાં સુપ્રીમ લીડર ખામેનેઈનું મોત થયું હતું. બ્રિટન ઈચ્છે છે કે ઈરાન પરમાણુ હથિયારો બનાવવાની મહત્વાકાંક્ષા છોડી દે અને વાટાઘાટો દ્વારા ઉકેલ આવે, પરંતુ જાે બ્રિટિશ હિતો પર હુમલો થશે તો કડક કાર્યવાહી અનિવાર્ય છે.