પાકિસ્તાનના ખૈબર પખ્તુનખ્વા પ્રાંતમાં એક ઘરની બહાર થયેલા વિસ્ફોટમાં ત્રણ બાળકોના મોત થયા છે અને બે અન્ય ઘાયલ થયા છે, એમ પોલીસે જણાવ્યું હતું. પીડિતોની ઓળખ ૧૫ વર્ષીય શાહ હુસૈન, સાત વર્ષની સનાયા બીબી અને આઠ વર્ષની સોરીન બીબી તરીકે થઈ છે. બે ઘાયલ બાળકોને સારવાર માટે હેડક્વાર્ટર હોસ્પિટલ વાનામાં લઈ જવામાં આવ્યા હતા.
મોડી રાત્રે અફઘાન સરહદ નજીક લોઅર સાઉથ વઝીરિસ્તાનના ઘ્વા ખ્વા વિસ્તારમાં મોટરસાઇકલમાં મૂકેલા બોમ્બ વિસ્ફોટ પછી આ વિસ્ફોટ થયો હતો. પોલીસના જણાવ્યા અનુસાર વિસ્ફોટના થોડા સમય પહેલા સદ્દામ હુસૈન તરીકે ઓળખાતા વ્યક્તિના ઘરની બહાર એક અજાણ્યા વ્યક્તિએ મોટરસાઇકલ પાર્ક કરી હોવાનું કહેવાય છે.
પોલીસ અને સુરક્ષા કર્મચારીઓએ વિસ્તારને સીલ કરી દીધો છે અને હુમલાની તપાસ શરૂ કરી છે.
એક અઠવાડિયામાં આવો બીજાે હુમલો
ગયા અઠવાડિયે, ખૈબર પખ્તુનખ્વા પ્રાંતમાં ક્રિકેટ ગ્રાઉન્ડ પર આતંકવાદીઓ દ્વારા ડ્રોન હુમલો કરવામાં આવ્યા બાદ ત્રણ બાળકો ઘાયલ થયા હતા, એમ અધિકારીઓએ જણાવ્યું હતું.
આ હુમલો બાજૌર જિલ્લાના મામોન્ડ વિસ્તારમાં થયો હતો, જ્યાં આતંકવાદીઓએ જમીન પર ભેગા થયેલા લોકોને નિશાન બનાવવા માટે ક્વોડકોપ્ટર ડ્રોનનો ઉપયોગ કર્યો હતો.
અધિકારીઓએ જણાવ્યું હતું કે હુમલાખોરો ફિત્ના અલ-ખ્વારીજના હતા, જે પાકિસ્તાની રાજ્ય દ્વારા પ્રતિબંધિત તહરીક-એ-તાલિબાન પાકિસ્તાન (્ઁ) માટે વપરાતો શબ્દ છે.
ઘાયલ બાળકોને સારવાર માટે નજીકની હોસ્પિટલમાં લઈ જવામાં આવ્યા હતા.
ખૈબર પખ્તુનખ્વામાં બોમ્બ વિસ્ફોટ
ફેબ્રુઆરીમાં, ખૈબર પખ્તુનખ્વામાં બોમ્બ હુમલા અને ગોળીબારમાં એક ડઝનથી વધુ લોકો માર્યા ગયા હતા. અલ જઝીરાના અહેવાલ મુજબ, પાકિસ્તાની સૈન્યએ તે સમયે જણાવ્યું હતું કે બાજૌર જિલ્લામાં વિસ્ફોટકોથી ભરેલું વાહન સુરક્ષા ચોકી પર અથડાતાં અગિયાર સુરક્ષા કર્મચારીઓ અને એક બાળકનું મોત થયું હતું. મહિલાઓ અને બાળકો સહિત સાત અન્ય ઘાયલ થયા હતા.
પોલીસ અધિકારી ઝફર ખાને જણાવ્યું હતું કે વિસ્ફોટને કારણે નજીકની એક ઇમારત ધરાશાયી થઈ હતી, જેમાં એક છોકરીનું મોત થયું હતું. દિવસની શરૂઆતમાં બન્નુ જિલ્લામાં એક પોલીસ સ્ટેશન નજીક પાર્ક કરેલી મોટરસાઇકલ સાથે જાેડાયેલા વિસ્ફોટકોમાં વિસ્ફોટ થતાં બે લોકો પણ માર્યા ગયા હતા અને ઓછામાં ઓછા ૧૭ ઘાયલ થયા હતા.