સાબરકાંઠા જિલ્લામાં છેલ્લા 24 કલાક દરમિયાન તમામ આઠ તાલુકાઓમાં વરસાદ નોંધાયો છે. આ વરસાદથી લાંબા સમયથી ગરમી અને બફારાથી પરેશાન લોકોને રાહત મળી છે, જ્યારે ખેડૂતોમાં પણ ખુશીનો માહોલ જોવા મળી રહ્યો છે.
જિલ્લામાં સૌથી વધુ વરસાદ તલોદ તાલુકામાં 30 મિમી નોંધાયો હતો. પોશીના તાલુકામાં 29 મિમી વરસાદ વરસ્યો હતો. આ ઉપરાંત, પ્રાંતિજમાં 18 મિમી, ઇડરમાં 9 મિમી, હિંમતનગરમાં 7 મિમી, વડાલીમાં 5 મિમી, ખેડબ્રહ્મામાં 4 મિમી અને વિજયનગર તાલુકામાં 3 મિમી વરસાદ નોંધાયો હતો.
વરસાદને કારણે વાતાવરણમાં ઠંડક પ્રસરી જતાં જનજીવનમાં રાહતનો અનુભવ થયો હતો. ખેતી માટે અનુકૂળ વાતાવરણ સર્જાતા ખેડૂતોમાં ખુશી વ્યાપી છે. હવામાન વિભાગ દ્વારા આગામી દિવસોમાં પણ વરસાદી માહોલ યથાવત રહેવાની સંભાવના વ્યક્ત કરવામાં આવી રહી છે.