કલકત્તા હાઇકોર્ટમાં ટીએમસીના ફ્રીઝ થયેલા બેંક ખાતા મામલે સુનાવણીમાં હાજર રહેલા વકીલોએ ગુરુવારે જણાવ્યું હતું કે, હાઈકોર્ટે મમતા બેનર્જીની આગેવાની હેઠળના તૃણમૂલ કોંગ્રેસ ને જૂનમાં ફ્રીઝ કરાયેલા તેના ત્રણ બેંક ખાતાઓનો ઉપયોગ ફક્ત દૈનિક ખર્ચ માટે અને નિવૃત્ત હાઈકોર્ટના ન્યાયાધીશની દેખરેખ હેઠળ કરવાની મંજૂરી આપી હતી.
ન્યાયાધીશ સૌગત ભટ્ટાચાર્યની સિંગલ બેન્ચે રાજ્ય પોલીસે ફ્રીઝ કરેલા ખાતાઓના ઉપયોગની દેખરેખ માટે નિવૃત્ત ન્યાયાધીશ સુબ્રત તાલુકદારને ૩૦ સપ્ટેમ્બર સુધી ખાસ અધિકારી તરીકે નિયુક્ત કર્યા હતા.
આ ભંડોળમાંથી ખાસ અધિકારીને માસિક ?૧.૨૫ લાખનું માનદ વેતન મળશે તે નિર્દેશ આપતા કોર્ટે કહ્યું કે પાર્ટીના રોજિંદા ખર્ચ અને કાનૂની ખર્ચને પહોંચી વળવા માટે જ પૈસા ઉપાડવા માટે તેમની સહી ફરજિયાત રહેશે.
“ખાસ અધિકારી દ્વારા અન્ય કોઈ ખર્ચ, મોટો કે નાનો, મંજૂરી આપવામાં આવશે નહીં,” ન્યાયાધીશે કહ્યું.
રીતાબ્રત બેનર્જીના નેતૃત્વ હેઠળના બળવાખોર ્સ્ઝ્ર જૂથના ધારાસભ્ય વિશ્વનાથ દાસે ભંડોળના અન્યત્ર ઉપયોગનો આરોપ લગાવતા બિધાન નગર પોલીસમાં ફરિયાદ નોંધાવ્યાના ૨૪ કલાકથી ઓછા સમયમાં, ૧૯ જૂને ખાતાઓ ફ્રીઝ કરવામાં આવ્યા હતા.
ટીએમસી તરફથી હાજર રહેલા વરિષ્ઠ વકીલો અભિષેક મનુ સિંઘવી અને કિશોર દત્તાએ આરોપોને પાયાવિહોણા ગણાવ્યા અને દલીલ કરી કે પક્ષને તેના ખર્ચાઓ પૂરા કરવામાં ખૂબ મુશ્કેલી પડી રહી છે.
કોર્ટે ફરિયાદ પર પોલીસે જે ઝડપે કાર્યવાહી કરી તે અંગે પ્રશ્ન ઉઠાવ્યો.
“આટલી હળવી ગતિ કેમ? જ્યારે કોઈ ગરીબ નાગરિક પોલીસ સ્ટેશન આવે છે, ત્યારે પોલીસ સક્રિય થતી નથી,” ન્યાયાધીશે અવલોકન કર્યું.
રાજ્ય તરફથી હાજર રહેલા સોલિસિટર જનરલ તુષાર મહેતાએ દલીલ કરી હતી કે રાજ્ય લોકોના પૈસા બચાવવા માટે કાર્યવાહી કરે છે. તેમણે ખાતાઓને ફ્રીઝ કરવાનો પણ વિરોધ કર્યો હતો.
ગુરુવારની સુનાવણી ફક્ત બિધાન નગર પોલીસ દ્વારા દાખલ કરાયેલા કેસના સંદર્ભમાં હતી. આગામી સુનાવણી ૨૧ સપ્ટેમ્બરે થશે.
વકીલોએ જણાવ્યું હતું કે ખાતાઓ ઍક્સેસ કરવામાં ટીએમસીને કાનૂની અવરોધોનો સામનો કરવો પડી શકે છે.
કોલકાતા સ્થિત કંપની દ્વારા પાર્ટીના ભંડોળમાંથી લગભગ ?૧૬૦ કરોડના કથિત લોન્ડરિંગની ચાલી રહેલી તપાસના ભાગ રૂપે, એન્ફોર્સમેન્ટ ડિરેક્ટોરેટે બુધવારે ત્રણ ખાતાઓમાં હાલમાં રહેલા આશરે ?૪૪૦ કરોડ ફ્રીઝ કરી દીધા હતા.