આર્મી ચીફ જનરલ ધીરજ સેઠે બુધવારે રશિયાની ત્રણ દિવસીય સત્તાવાર મુલાકાત શરૂ કરી છે. સેનાના જણાવ્યા અનુસાર, આ મુલાકાતનો ઉદ્દેશ્ય બંને દેશો વચ્ચે સંરક્ષણ ભાગીદારી અને સૈન્ય-થી-સૈન્ય સહયોગને વધુ મજબૂત બનાવવાનો છે.
આ મુલાકાત મહત્વપૂર્ણ છે કારણ કે રશિયા ભારતને સંરક્ષણ સાધનો અને શસ્ત્ર પ્રણાલીઓ પૂરી પાડનારા મુખ્ય દેશોમાંનું એક છે.
મુલાકાત દરમિયાન, તેમને ઔપચારિક ‘ગાર્ડ ઓફ ઓનર‘ આપવામાં આવશે અને તેઓ મોસ્કોમાં ‘ટોમ્બ ઓફ ધ અનનોન સોલ્જર‘ (અજ્ઞાત સૈનિકનું સ્મારક) ખાતે શહીદ સૈનિકોને શ્રદ્ધાંજલિ આપશે. સેનાએ એક નિવેદનમાં જણાવ્યું હતું કે, તેઓ રશિયન ભૂમિ દળોના કમાન્ડર-ઇન-ચીફ કર્નલ જનરલ આન્દ્રે નિકોલાયેવિચ મોર્ડવિચેવ સાથે વ્યાવસાયિક સૈન્ય સહયોગ અને તાલીમ સહિત પરસ્પર હિતના વિવિધ મુદ્દાઓ પર ચર્ચા કરશે.
આ પણ વાંચો: લેફ્ટનન્ટ જનરલ ધીરજ સેઠ આગામી આર્મી ચીફ તરીકે નિયુક્ત; ત્રણ દાયકામાં આર્મર્ડ કોર્પ્સમાંથી આવનારા પ્રથમ અધિકારી
સેઠ મોસ્કોમાં નેશનલ ડિફેન્સ કંટ્રોલ સેન્ટરની મુલાકાત લેશે અને રશિયન સંરક્ષણ મંત્રાલયના વરિષ્ઠ અધિકારીઓ સાથે વાતચીત કરશે, જેમાં સંરક્ષણ ઉદ્યોગ અને પ્રાપ્તિ (ॅિર્ષ્ઠેિીદ્બીહં) વિભાગ સંભાળતા નાયબ સંરક્ષણ મંત્રી વાસિલી સર્ગેયેવિચ ઓસ્માકોવનો સમાવેશ થાય છે.
સેનાએ વધુમાં જણાવ્યું હતું કે, “આ બેઠકો અને કાર્યક્રમો સમકાલીન સૈન્ય ઘટનાક્રમ અને સંરક્ષણ સહયોગ વધારવાના માર્ગો અંગે વિચારોના આદાન-પ્રદાનની તક પૂરી પાડશે. આ મુલાકાત બંને દેશો દ્વારા સતત સૈન્ય મુત્સદ્દીગીરી અને સૈન્ય-થી-સૈન્ય સંપર્કને આપવામાં આવતા મહત્વને દર્શાવે છે.”
સેઠ સેન્ટ પીટર્સબર્ગની પણ મુલાકાત લેશે, જ્યાં તેઓ મિખાઇલોવસ્કાયા મિલિટરી આર્ટિલરી એકેડેમીની મુલાકાત લેશે અને ત્યાંના નેતૃત્વ તથા ફેકલ્ટી સાથે વાતચીત કરશે.
માર્ચમાં પ્રકાશિત થયેલા સ્ટોકહોમ ઇન્ટરનેશનલ પીસ રિસર્ચ ઇન્સ્ટિટ્યૂટ (જીૈંઁઇૈં)ના અહેવાલ મુજબ, ૨૦૨૧-૨૫ દરમિયાન રશિયા ભારતને લશ્કરી સાધનો પૂરા પાડનાર અગ્રણી દેશ હતો. અહેવાલમાં જણાવાયું છે કે ૨૦૨૧-૨૫ દરમિયાન ભારતના શસ્ત્રોની આયાતમાં રશિયાનો હિસ્સો સૌથી વધુ, એટલે કે ૪૦% હતો.
આ મુલાકાત એવા સમયે થઈ રહી છે જ્યારે ભારત અને અમેરિકા ઉત્તરાખંડના ઓલી અને બિકાનેર નજીક મહાજન ફિલ્ડ ફાયરિંગ રેન્જ ખાતે સંયુક્ત કવાયત ‘યુદ્ધ અભ્યાસ‘ યોજી રહ્યા છે. આ કવાયતનો ઉદ્દેશ્ય પહાડી અને અર્ધ-પહાડી વિસ્તારોમાં ‘ઇન્ટિગ્રેટેડ બેટલ ગ્રુપ્સ‘ (ૈંમ્ય્)ના ઉપયોગ માટે બંને સેનાઓની સંયુક્ત લશ્કરી ક્ષમતા વધારવાનો છે, જેમાં પાયદળ-પ્રધાન કામગીરી પર વિશેષ ભાર મૂકવામાં આવ્યો છે.