નવસારી જિલ્લામાં એરૂથી સિસોદ્રા સુધીના ફોરલેન માર્ગના નિર્માણ કાર્યમાં અવરોધરૂપ ઇટાળવા ગામનું ગેરકાયદે પ્રવેશદ્વાર તોડી પાડવામાં આવ્યું છે. રાજ્યના માર્ગ અને મકાન વિભાગે આ કાર્યવાહી કરી. 76 કરોડ રૂપિયાના આ પ્રોજેક્ટથી વાહનવ્યવહાર સુગમ બનશે.
માર્ગના પહોળીકરણમાં આ પ્રવેશદ્વાર મુખ્ય અવરોધ હતો. વિભાગની ટીમે જેસીબીની મદદથી તેને હટાવ્યું. માર્ગની હદમાં આવતા અન્ય કેટલાક કાચા-પાકા ગેરકાયદે દબાણો પણ દૂર કરાયા.
એરૂ, ઇટાળવા અને સિસોદ્રા નવસારી શહેર તથા નેશનલ હાઈવેને જોડતો મહત્વનો માર્ગ છે. અગાઉ સાંકડા રસ્તા અને દબાણોને કારણે ટ્રાફિક જામ થતો હતો. આ પ્રોજેક્ટ પૂરો થતાં વાહનચાલકોનો સમય અને ઇંધણ બચશે.
દબાણ હટાવ્યા બાદ માર્ગ અને મકાન વિભાગે સ્થાનિક રહીશોને અપીલ કરી છે. વિભાગે જણાવ્યું કે, જાહેર માર્ગોમાં કોઈ ગેરકાયદે દબાણ ન કરવું. ભવિષ્યમાં આવા દબાણો સામે કડક કાર્યવાહી કરાશે.