પીએમ મોદી આજે દિલ્હીના ભારત મંડપમમાં આયોજિત ઇમર્જિંગ સાયન્સ, ટેક્નોલોજી એન્ડ ઇનોવેશન કોન્ક્લેવ (ESTIC 2026)નું ઉદ્ઘાટન કરશે. ESTICનું આયોજન 27-28 ઑક્ટોબર સુધી કરવામાં આવશે. કાર્યક્રમમાં 12 ક્ષેત્રો પર ચર્ચા કરવામાં આવશે. ત્રણ નોબેલ વિજેતા તેના વક્તા હશે. ESTIC 2026 વિજ્ઞાન-નવીનતા સાથે સંકળાયેલી રાષ્ટ્રીય પરિષદ છે. તેની શરૂઆત 2025માં કરવામાં આવી હતી. આ વખતે તેની બીજી એડિશનનું આયોજન થઈ રહ્યું છે.
આ વર્ષની થીમ છે- સર્જનાત્મક વિચારસરણીથી વિજ્ઞાનને ગતિ આપવી અને ટેક્નોલોજીને સશક્ત બનાવવી. કાર્યક્રમનું આયોજન વૈજ્ઞાનિક તથા ઔદ્યોગિક સંશોધન પરિષદ (CSIR) કરી રહી છે. તેમાં 13 મંત્રાલયો પણ સામેલ છે.
પરિષદમાં ત્રણ દિવસ સુધી શું થશે?
27 ઑક્ટોબર: ઉદ્ઘાટન, પ્રમુખ વૈજ્ઞાનિકોના ભાષણો અને પરિષદના મુખ્ય સત્રો. 28 ઑક્ટોબર: ટેકનીકલી ચર્ચાઓ, રિસર્ચ પેપર પ્રસ્તુતિઓ, સ્ટાર્ટઅપ પ્રદર્શન. 29 ઑક્ટોબર: નિષ્ણાત ચર્ચા, નવીનતા અંગે ચર્ચા અને સહયોગ સંબંધિત બેઠકો.
સામાન્ય લોકો અને સ્ટાર્ટઅપને શું લાભ થશે?
સામાન્ય લોકો માટે: નવી ટેકનીકોને જોવા અને સમજવાની તક મળશે. બીજા દિવસથી ટેકનીક-કેન્દ્રિત પ્રદર્શન સામાન્ય લોકો માટે પણ ખુલ્લું રાખવાની જાહેરાત કરવામાં આવી છે.
સ્ટાર્ટઅપ માટે: પોતાના ઉત્પાદનો દર્શાવવા, રોકાણકારોને મળવા, નિષ્ણાતોની સલાહ લેવા અને મોટી કંપનીઓ સાથે ભાગીદારીની તકો મળશે.
આયોજકો અનુસાર, લગભગ 150 ડીપ-ટેક સ્ટાર્ટઅપ્સ પોતાના ઉત્પાદનો અને ટેક્નોલોજીનું પ્રદર્શન કરશે. ડીપ-ટેક સ્ટાર્ટઅપ્સ એવી કંપનીઓ હોય છે, જે વૈજ્ઞાનિક સંશોધન અથવા અદ્યતન એન્જિનિયરિંગ પર આધારિત ટેક્નોલોજી વિકસાવે છે.
વૈજ્ઞાનિકો અને વિદ્યાર્થીઓ માટે: રિસર્ચ રજૂ કરવાની, અન્ય નિષ્ણાતો પાસેથી શીખવાની અને પોતાના વિચારોને વાસ્તવિક ટેક્નોલોજીમાં બદલવાના માર્ગો શોધવાની તક મળશે.
દેશ માટે: ભારતમાં વિકસિત ટેક્નોલોજીઓને ઉદ્યોગોમાં અપનાવવામાં, આયાત પરની નિર્ભરતા ઘટાડવામાં અને વૈજ્ઞાનિક ક્ષમતા વધારવામાં મદદ મળી શકે છે.