સાણંદની નીલકંઠ ઇન્ટરનેશનલ સ્કૂલ સાથે જોડાયેલી એપિક તાઈકવોન્ડો એકેડમીના ખેલાડી જયેશ ચૌધરી SGFIની રાષ્ટ્રીય તાઈકવોન્ડો સ્પર્ધામાં ગુજરાતનું પ્રતિનિધિત્વ કરશે. સાણંદમાંથી આ સ્પર્ધામાં ભાગ લેનાર તે પ્રથમ ખેલાડી છે.જયેશે SGFIની રાજ્યકક્ષાની તાઈકવોન્ડો સ્પર્ધામાં ગોલ્ડ મેડલ જીત્યો હતો. આ પ્રદર્શનના આધારે તેની ગુજરાતની ટીમમાં પસંદગી થઈ છે.
રાષ્ટ્રીય કક્ષાની સ્પર્ધા ઝારખંડમાં યોજાશે. એકેડમી નીલકંઠ ઇન્ટરનેશનલ સ્કૂલના નેતૃત્વમાં ચાલે છે. શાળા કાણેટી રોડ પર આવેલી છે.જયેશના માર્ગદર્શક શિક્ષક સ્મિતભાઈ પટેલે તેની તૈયારીમાં મદદ કરી હતી. શાળાના પ્રમુખ સાગરસિંહ વાઘેલા અને પ્રિન્સિપાલ ડૉ. મનીષ દેત્રોજાએ જયેશને શુભેચ્છા પાઠવી હતી.