ભરૂચ
ગુજરાત ગૌણ સેવા પસંદગી મંડળ દ્વારા બિનસચિવાલય ક્લાર્ક અને સચિવાલય ઓફિસ આસીસ્ટન્ટની ભરતી માટેની પરીક્ષા ૧૩મીએ ફેબ્રુઆરી અને રવિવારના યોજવાની હતી. પરંતુ કોઈ કારણોસર આ પરીક્ષા રદ્દ કરવાનો ર્નિણય લેવામાં આવ્યો છે. જેને પગલે યૂથ કોંગ્રેસ લાલધૂમ બન્યું છે અને ગૌણ સેવા પસંદગી મંડળના અણઘડ વહીવટને કારણે દર વખતે રદ્દ કરવામાં આવતી પરીક્ષાને પગલે યુવાનો નિરાશ થઈ રહ્યા હોવાના આક્ષેપ સાથે ભરૂચ યુથ કોંગ્રેસ દ્વારા રેલ્વે સ્ટેશન ખાતે યુવા બેરોજગારી અને બિન સચિવાલય પરીક્ષા રદ્દ કરવાના ર્નિણયનો વિરોધ કરવા સાથે પ્લેકાર્ડ અને પૂતળા દહન કરી વિરોધ પ્રદર્શન યોજાયું હતું. પોલીસે પૂતળા દહન કરી પ્રદર્શન કરતાં ચાર જેટલા યૂથ કોંગ્રેસનાં આગેવાનોની અટકાયત કરી હતી આ વિરોધ પ્રદર્શનમાં યૂથ કોંગ્રેસના પ્રમુખ સકિલ અકુજી,પૂર્વ પ્રમુખ શેરખાન પઠાણ અને અંકલેશ્વર-હાંસોટ યૂથ કોંગ્રેસના પ્રમુખ શરિફ કાનુગા સહિત કાર્યકર્તાઓ ઉપસ્થિત રહ્યા હતા.ભરૂચ યુથ કોંગ્રેસ દ્વારા રેલ્વે સ્ટેશન ખાતે યુવા બેરોજગારી અને બિન સચિવાલય પરીક્ષા રદ્દ કરવાના મુદ્દે પ્લેકાર્ડ અને પૂતળા દહન કરી વિરોધ પ્રદર્શન યોજાયું હતું.
