મુંબઈ
અક્ષય કુમાર ટૂંક સમયમાં ફિલ્મ બચ્ચન પાંડેમાં જાેવા મળશે. આ ફિલ્મમાં અક્ષય એવા અવતારમાં જાેવા મળશે જે તમે પહેલા ક્યારેય નહીં જાેયો હોય. આ ફિલ્મના અત્યાર સુધી ઘણા પોસ્ટર સામે આવ્યા છે. પરંતુ હવે અક્ષયે એક નવું પોસ્ટર શેર કર્યું છે જે સોશિયલ મીડિયા પર વાયરલ થઈ રહ્યુ છે.ફિલ્મના પોસ્ટરમાં અક્ષય ખૂબ જ ડરામણા લુકમાં જાેવા મળી રહ્યો છે. પોસ્ટરમાં લખવામાં આવ્યું છે કે. મને ભાઈ નહીં ગોડફાધર કહેવામાં આવે છે. આ પોસ્ટરને શેર કરવાની સાથે અક્ષયે ફિલ્મના ટ્રેલરની રિલીઝ ડેટ પણ જણાવી છે. આ પોસ્ટર શેર કરતા અક્ષય કુમારે લખ્યુ કે,આ પાત્રમાં પેઈન્ટથી પણ વધારે શેડ છે. બચ્ચન પાંડે દર્શકોને ડરાવવા, હસાવવા અને રડાવવા માટે તૈયાર છે. ફિલ્મનુ ટ્રેલર ૧૮ ફેબ્રુઆરી ૨૦૨૨ના રોજ રિલીઝ થશે. અક્ષય કુમારે આ ફિલ્મમાં ગેંગસ્ટરની ભૂમિકા ભજવી છે અને તેમાં ક્રિતી સેનન અને જેકલીન ફર્નાન્ડીઝ લીડ રોલમાં છે. આ ફિલ્મ હોળીના તહેવાર પર ૧૮ માર્ચે રિલીઝ થશે. ફિલ્મની કહાની એક ગેંગસ્ટર પર આધારિત છે જે અભિનેતા બનવા માંગે છે. જ્યારે અભિનેત્રી ક્રિતી ફિલ્મમાં એક પત્રકારની ભૂમિકા ભજવી રહી છે જે ડિરેક્ટર બનવા માંગે છે. ફિલ્મમાં પંકજ ત્રિપાઠી અને પ્રતિક બાબર પણ મહત્વની ભૂમિકામાં જાેવા મળશે. આ ફિલ્મ નિશ્ચય કુટંડા દ્વારા લખવામાં આવી છે અને ફરહાદ સામજી દ્વારા નિર્દેશિત કરવામાં આવી છે. અગાઉ આ ફિલ્મ ગયા વર્ષે ક્રિસમસ પર રિલીઝ થવાની હતી પરંતુ પછી કોવિડના વધતા જતા કેસોને કારણે ફિલ્મની રિલીઝ મોકૂફ રાખવામાં આવી હતી.અહેવાલો અનુસાર, આ ફિલ્મનું શૂટિંગ માત્ર ૫૫ દિવસમાં પૂરું કરવામાં આવ્યુ છે. ત્યારે હાલ અક્ષય કુમારની આ મોસ્ટ અવેટેડ ફિલ્મની દર્શકો આતુરતાથી રાહ જાેઈ રહ્યા છે.
