શહેરના ગુજરાતીની વાડી વિસ્તારમાં રહેતા પ્રસન્તબેનને તેના પૂર્વ પતિ અને ભત્રીજાએ છરી વડે આડેધડ ઘા ઝીંકી ગળુ કાપી નાસી છૂટયા હોય પોલીસે મૃતકની પુત્રીની ફરીયાદ પરથી બન્ને કાકા-ભત્રીજા વિરૂધ્ધ ગુન્હો નોંધી તેને પકડી પાડવા ચક્રોગતિમાન કર્યા છે.
“ગુજરાતની વાડી ભાવીક નગર વિસ્તારમાં ગઇકાલે સવારે પૂર્વ પતિ એ તેના એક ખાતે રહેલા ભત્રીજાને સાથે રાખી તેની પત્ની ના ઘેર જઇ હાથ-પગ પકડી રાખી છરી વડે ગળુ કાપી શરીરે આડેધડ ઘા ઝીંકી બન્ને બાઇક ઉપર નાસી છૂટયા હતા પુત્રી પોતાની માતાને નહિ મારવા આજીજી કરતી રહી પરંતુ શાંતુભાઇએ બેરહેમીથી હત્યા કરી નાખી હતી. પોલીસે બનાવના પગલે મૃતક પ્રસન્તબેનની પુત્રીની ફરીયાદ પરથી બન્ને શખ્સો શાંતુભાઇ લખુભા કહોર તથા શીવરાજ ગેલણભા કહોર વિરૂધ્ધ ગુન્હો દાખલ કર્યો હતો.
આ અંગે સીટી પી.આઇ. જે. વી.કરમુરે જણાવેલ કે આરોપીઓની ઓળખ થઇ ગયેલ છે તે કાકા – ભત્રીજા બન્ને જ છે તેઓના મોબાઇલ પણ સ્વીચ ઓફ આવે છે. તેની વધુ તપાસ માટે ટીમ ઉપલેટાના ઢાંક ગામ માં તપાસ કરી રહી છે.
હરેશ ભાલીયા જેતપુર
