રાજકોટ
રાજકોટ શહેરમાં આવારા તત્વો બેફામ બન્યા હોય તેવા કિસ્સાઓ સામે આવી રહ્યા છે. જેમાં વિદ્યાનગર મેઇન રોડ પર વાહન પ૨ બેસવા મામલે ૬ શખ્સોની દાદાગીરી કરી હતી અને મંગલમ લેબોરેટરીમાં ઘુસી યુવકને નજીવી બાબતે મારમાર્યો હતો. આ સમગ્ર ઘટના સીસીટીવીમાં કેદ થતાં તેનો વીડિયો પણ વાયરલ થઈ રહ્યો છે. આ અંગેની પ્રાપ્ત વિગતો અનુસાર વિદ્યાનગર મેઇન રોડ પર આવેલી મંગલમ લેબોરેટરીમાં કામ કરતા યુવકના બાઇક પર બે આજાણ્યા શખ્સો બેઠા હતા, તેથી લેબોરેટરીમાં યુવકે બાઈક પર ન બેસવાનું જણાવ્યું હતું. તેનાથી એ બંને શખ્સો ઉશ્કેરાઈ ગયા હતા અને થોડીવાર બાદ ૬ જેટલા શખ્સો લેબોરેટરીમાં ધસી આવ્યા હતા અને પેલા યુવકને બહાર લઈ જઈને તેને મારમાર્યો હતો. આ અંગે યુવકે મીડિયાને જણાવ્યું હતું કે તેણે શાંતિપૂર્વક બાઈક પર બેસેલા લોકોને ત્યાં ન બેસવાનું સૂચન કર્યું હતું પરંતુ આટલી નજીક બાબતે ૬ જેટલા શખ્સો સાથે એ બંને આવ્યા હતા અને તેને મારમાર્યો હતો. સમગ્ર મામલે ભોગ બનનારી યુવકે એ ડિવિઝન પોલીસ મથકમાં ફરિયાદ પણ દાખલ કરી છે. જેના આધારે ઁૈં કે.એન.ભુંકણ અને સ્ટાફે વીડીયોમાં દેખાતા અને દાદાગીરી ક૨તા શખ્સોને પકડી લેવા તજવીજ શરૂ કરવામાં આવી છે.
