ન્યુદિલ્હી
યુદ્ધ અને વધતી જતી વૈશ્વિક ફુગાવાએ રોકાણકારોની જાેખમની ભૂખ નબળી પાડી છે.આ બે પરિબળોએ બજારના સેન્ટિમેન્ટને ભીનું રાખ્યું હતું આ પરિબળોને કારણે આગામી દિવસોમાં સોનાના ભાવમાં વધુ વધારો થઈ શકે છે. અખા ત્રિજ, લગ્નો માટે અને કિંમતી ધાતુની ખરીદી માટે શુભ ગણાતો તહેવાર ૩ મેના રોજ આવે છે. સોનાના ઊંચા ભાવ માંગ માટે હાનિકારક સાબિત થશે, ખાસ કરીને એવા સમયે જ્યારે ખર્ચનું દબાણ વધી રહ્યું છે. “લોકો પર મોંઘવારીનું દબાણ વધ્યું છે જેના કારણે નિકાલજાેગ આવક ઘટી રહી છે.” “લોકો પાસે લગ્નો માટે સોનાનું નિશ્ચિત બજેટ હોય છે અને તેથી ભાવમાં વધારા સાથે ખરીદીનું પ્રમાણ ઘટી જાય છે. સોનાના ભાવમાં વધારા સાથે જૂના સોનાની નવી ખરીદી માટે અદલાબદલી કરનારા લોકોની સંખ્યામાં પણ વધારો થયો છેતહેવારોની મોસમની પહેલા જ સોનાના ભાવમાં વધારો જાેવા મળી રહ્યો છે.યુક્રેન અને રશિયા વચ્ચે ચાલી રહેલા યુદ્ધની પૃષ્ઠભૂમિમાં પીળી ધાતુના ભાવ આસમાને પહોંચ્યા હોવાથી સોનાના દાગીનાની માંગને ફટકો પડ્યો છે. અને જેના કારણે સોના ભાવમાં પણ વધારો જાેવા મળી રહ્યો છે. સોનાના ભાવમાં વધારો અને ફુગાવાને કારણે આવકમાં ઘટાડો થવાને કારણે સોનાની માંગમાં ઓછામાં ઓછો ૨૦% ઘટાડો થયો છે. આ વર્ષે ૧ જાન્યુઆરીએ સોનાનો ભાવ જે ૧૦ ગ્રામ દીઠ રૂ. ૪૯,૦૦૦ હતો તે હવે અમદાવાદ માર્કેટમાં વધીને રૂ. ૫૫,૦૦૦ પ્રતિ ૧૦ ગ્રામ પર પહોંચી ગયો છે.તહેવારો પહેલા સોનાના ભાવમાં વધારો જાેવા મળી રહ્યો છે. ૭ ઓગસ્ટ, ૨૦૨૦ના રોજ અમદાવાદના બજારમાં સોનાની કિંમત રૂ. ૫૮,૦૦૦ પ્રતિ ૧૦ ગ્રામની વિક્રમી સપાટીને સ્પર્શી ગઈ હતી. વિશ્લેષકો સોનાના ભાવમાં હાલના ઉછાળાનું કારણ રશિયા-યુક્રેન યુદ્ધના કારણે વૈશ્વિક ફુગાવાને આભારી છે.
