ભાજપે અખિલેશ સામે એસપી સિંહ બધેલને મેદાનમાં ઉતાર્યા

નવીદિલ્હી
ભાજપે કરહાલ બેઠક પરથી અખિલેશ યાદવ સામે એસપી સિંહ બઘેલને મેદાનમાં ઉતાર્યા છે. એસપી સિંહ બઘેલ એક સમયે મુલાયમ સિંહ યાદવના સુરક્ષા અધિકારી હતા. આ સિવાય તેઓ યુપી સરકારમાં મંત્રી પણ રહી ચૂક્યા છે. ભાજપ દ્વારા તેની સત્તાવાર જાહેરાત કરવામાં આવી નથી, પરંતુ અખિલેશે ફોર્મ ભર્યા બાદ એસપી સિંહ બઘેલ પણ ઉમેદવારીપત્ર ભરવા માટે કલેક્ટર કચેરી પહોંચ્યા હતા. વર્ષ ૨૦૦૯માં એસપી બઘેલ ફિરોઝાબાદથી અખિલેશ યાદવ સામે અને ડિમ્પલ યાદવ સામે પેટાચૂંટણીમાં પણ ચૂંટણી લડી ચુક્યા છે. આ દરમિયાન તેણે વર્ષ ૨૦૧૪માં ફિરોઝાબાદથી અક્ષય યાદવ સામે પણ ચૂંટણી લડી હતી. આ પહેલા અખિલેશ યાદવે કરહાલ સીટ પરથી ઉમેદવારી નોંધાવી હતી. આ દરમિયાન જ્યારે તેમને ભાજપના ઉમેદવાર વિશે પૂછવામાં આવ્યું તો તેમણે કહ્યું કે, ભાજપ આ બેઠક પરથી કોઈને પણ ટિકિટ આપશે, તે હારી જશે. કેન્દ્રીય મંત્રી એસપી બઘેલે આજે ઉમેદવારી નોંધાવી હતી. અખિલેશ યાદવનું નામાંકન ભર્યા બાદ તેઓ મૈનપુરી પહોંચ્યા હતા. બઘેલ આગ્રાની લોકસભા સીટ પરથી સાંસદ છે. જાે કે, કરહાલ સીટ પર બઘેલની ઉમેદવારીની ઐતિહાસિક જાહેરાત હજુ થઈ નથી, પરંતુ અખિલેશ બાદ બઘેલએ ઉમેદવારી નોંધાવી છે.