અભિનેત્રી દિપીકા પાદુકોણની ફિલ્મ ગહેરાઈનું ટાઈટલ ટ્રેક રિલીઝ

નવીદિલ્હી
દર્શકો ઘણા સમયથી દીપિકા પાદુકોણની આ ફિલ્મની રાહ જાેઈ રહ્યા છે. આ ફિલ્મની રિલીઝ ડેટ પણ આગળ વધારી દેવામાં આવી છે. તે હવે ૧૧ ફેબ્રુઆરી ૨૦૨૨ના રોજ એમેઝોન પ્રાઇમ વિડિયો પર રિલીઝ થશે. આ ફિલ્મને શકુન બત્રા ડિરેક્ટ કરી રહ્યા છે. દીપિકા ઉપરાંત તેમાં સિદ્ધાંત ચતુર્વેદી, અનન્યા પાંડે અને ધૈર્ય કર્વા પણ છે. આ સિવાય પીઢ અભિનેતા નસીરુદ્દીન શાહ અને રજત કપૂર પણ મુખ્ય ભૂમિકામાં કામ કરતા જાેવા મળશે. તેને કરણ જાેહર પ્રોડ્યુસ કરી રહ્યો છે. આ દીપિકાની સૌથી ખાસ ફિલ્મોમાંથી એક છે, તે તેના દિલની ખૂબ જ નજીકની વાત કહી રહી છે.દીપિકા પાદુકોણ તેની આગામી ફિલ્મ ”ગહેરાઈ‘ને લઈને ઘણી ચર્ચા થઇ રહી છે. આ ફિલ્મને તેના કરિયરની શ્રેષ્ઠ ફિલ્મો પૈકી એક કહેવામાં આવી રહી છે. તેણે કહ્યું કે આ ફિલ્મ તેના માટે ખૂબ જ ખાસ છે. આ ફિલ્મના ટ્રેલરે પહેલા જ ધૂમ મચાવી છે અને હવે તેનું ટાઈટલ ટ્રેક રિલીઝ કરવામાં આવ્યું છે. તેના ટાઈટલ ટ્રેકમાં તમામ પાત્રોની લવ કેમેસ્ટ્રી બતાવવામાં આવી છે. આ ગીતને ખૂબ જ સુંદર રીતે દર્શાવવામાં આવ્યું છે. ગીતનું સંગીત ઈમોશનલ છે સાથે જ આ ગીતનું પ્રેઝન્ટેશન પણ ડાર્ક રાખવામાં આવ્યું છે. આ ગીતમાં ફરી એકવાર દીપિકાનો બોલ્ડ અવતાર બતાવવામાં આવ્યો છે. તેણે તેમાં સિદ્ધાંત સાથે ઘણા ઈન્ટીમેટ સીન આપ્યા છે. દીપિકાએ તેના ઇન્સ્ટાગ્રામ પરથી તેની રિલીઝની માહિતી આપી છે. આ ગીત સંપૂર્ણપણે ડાર્ક મોડમાં શૂટ કરવામાં આવ્યું છે. આમાં પાત્રોના ઈમોશનલ પાર્ટને સામે રાખવામાં આવ્યો છે. આ ગીતને સોની મ્યુઝિક ઈન્ડિયાની યુટ્યુબ ચેનલ પર અપલોડ કરવામાં આવ્યું છે. તે લોથિકા દ્વારા ગાયું છે અને મ્યુઝિક ર્ંછહ્લહ્લ અને સવેરા દ્વારા આપવામાં આવ્યું છે. તેના ગીતો અંકુર તિવારીએ લખ્યા છે. આ ગીતમાં અનન્યા પાંડે અને ધૈર્ય કારવા પણ જાેવા મળે છે. આ ગીત આ વર્ષના રોમેન્ટિક ગીતોની યાદીમાં આવવાનું છે. સિદ્ધાંત પહેલીવાર દીપિકા સાથે કામ કરી રહ્યો છે. આ પહેલા તે તેના પતિ રણવીર સિંહની ફિલ્મ ગલી બોયમાં જાેવા મળી હતી. આ બંનેની ઓન-સ્ક્રીન કેમેસ્ટ્રીની ઘણી ચર્ચા છે.