એઆઈએમઆઈએમના વારિસ પઠાણનું મોઢું કાળુ કરનારને પોલીસે ઝડપી લીધો

ન્યુદિલ્હી
ઈન્દોરના ખજરાનામાં આવેલી દરગાહ પર પહોંચેલા ઓલ ઈન્ડિયા મજલિસ-એ-ઈત્તેહાદુલ મુસ્લિમીનના રાષ્ટ્રીય પ્રવક્તા વારિસ પઠાણનું એક વ્યક્તિએ મોઢું કાળું કર્યું. આ ઘટના બાદ તે વ્યક્તિ ત્યાંથી ભાગી ગયો હતો. પોલીસે આ મામલે તપાસ શરૂ કરી છે. વાસ્તવમાં, મંગળવારે ઈન્દોર છૈંસ્ૈંસ્ના રાષ્ટ્રીય પ્રવક્તા વારિસ પઠાણ પોતાની પાર્ટીના સમર્થકો સાથે ખજરાનામાં નાહરશાહ વલી સરકારની દરગાહ પર પહોંચ્યા હતા. જ્યાં વારિસ પઠાણે સૌપ્રથમ દરગાહ શરીફમાં ચાદર ચઢાવી હતી. આ પછી કોઈ અજાણ્યા શખ્સે વારિસ પઠાણના મોઢા પર કાજળ નાખ્યું હતું. ત્યાં હાજર લોકો કંઈ સમજે તે પહેલા જ યુવક સ્થળ પરથી ભાગી ગયો હતો. જાેકે પોલીસે આ વ્યક્તિની ધરપકડ કરી લીધી છે. ખજરાના સ્ટેશન ઈન્ચાર્જ દિનેશ કુમાર વર્માએ જણાવ્યું કે યુવક ખજરાના પટેલ કોલોનીનો રહેવાસી છે જેનું નામ સદ્દામ, પિતા અઝીઝ પટેલ અને ઉંમર ૩૦ વર્ષ છે અને તે વ્યવસાયે મજૂર તરીકે કામ કરે છે. તેની પ્રાથમિક પૂછપરછમાં તેણે કહ્યું કે મને આ વ્યક્તિ પસંદ નથી. હંમેશા દેશ વિરોધી વાતો કરતા રહે છે અને મુસ્લિમ સમાજને બદનામ કરે છે. હાલમાં આરોપીની પોલીસે ધરપકડ કરી છે. પોલીસ દ્વારા તેની પૂછપરછ પણ કરવામાં આવી રહી છે કે તે કોઈ પક્ષ સાથે સંકળાયેલો છે કે કેમ તે જ સમયે, છૈંસ્ૈંસ્ના રાષ્ટ્રીય પ્રવક્તા વારિસ પઠાણે ચહેરા પર કાળો રંગ લગાવવાના મામલે કહ્યું, ‘લોકો તેમને પ્રેમ કરે છે. તેણે કહ્યું કે કોઈ મને ફૂલોનો હાર પહેરાવે છે, તો કોઈ મારા ચહેરા પર કાજલનું ટીક લગાવે છે જેથી કોઈ વ્યક્તિની ખરાબ નજર મને ન પડે. તેમણે આરોપ લગાવ્યો કે આ બધું કોંગ્રેસ પાર્ટી કરી રહી છે બીજું કંઈ નથી. એઆઈએમઆઈએમના રાજ્ય એકમના કાર્યકારી પ્રમુખ ડૉ. નઈમ અંસારીએ પઠાણનું મોઢું કાળું કરવા અંગે આક્રોશ વ્યક્ત કર્યો હતો અને કહ્યું હતું કે તેમની પાર્ટીએ આ ઘટનાની તપાસ માટે ખજરાના પોલીસને અરજી કરી છે. પોલીસે નજીકથી તપાસ કરવી જાેઈએ અને આ ઘટના પાછળ કોણ છે તે શોધવું જાેઈએ. અંસારીએ જણાવ્યું કે પઠાણ એઆઈએમઆઈએમની સંગઠનાત્મક પ્રવૃત્તિઓમાં ભાગ લેવા માટે મંગળવારે જ મધ્યપ્રદેશ પહોંચ્યા હતા. ખજરાના પોલીસ સ્ટેશનના પ્રભારી દિનેશ વર્માએ જણાવ્યું હતું કે છૈંસ્ૈંસ્ના પ્રવક્તાનું મોઢું કાળું કરવાના આરોપમાં પટેલની ક્રિમિનલ પ્રોસિજર કોડની કલમ ૧૫૧ (કોગ્નિઝેબલ અપરાધ અટકાવવા સાવચેતીપૂર્વક ધરપકડ) હેઠળ ધરપકડ કરવામાં આવી હતી અને બાદમાં તેને બોન્ડ પર મુક્ત કરવામાં આવ્યો હતો.