જામનગરની ગુરુ ગોવિંદસિંહ સરકારી હોસ્પિટલ ખાતે ડી.ઈ.આઇ.સી. સેન્ટર દ્વારા બાળકો માટે ગરબા સ્પર્ધાનું આયોજન કરવામાં આવ્યું હતું. આ સેન્ટરમાં આવતા ખાસ બાળકો જેમ કે એમ.આર., સી.પી., ઓટીઝમ, સાંભળી-બોલી ન શકતા બાળકોને પ્રોત્સાહન પૂરું પાડવાના ભાગ સ્વરૂપે ગરબા સ્પર્ધાનું આયોજન કરવામાં આવ્યું હતું, તેમજ સંસ્થાના કર્મચારીઓના સ્વ ભંડોળમાંથી ઈનામ વિતરણ કરવામાં આવ્યું હતું. કાર્યક્રમના અંતે બાળકોને નાસ્તો આપવામાં આવ્યો હતો. આ કાર્યક્રમમાં નોડલ ઓફિસર ડી.ઈ.આઇ.સી. શ્રી ડો. સોનલ શાહ ઉપસ્થિત રહ્યા હતા.
