બનાસકાંઠા
થરાદ પોલીસે ખોડા પોલીસ ચેકપોસ્ટ ખાતેથી એક દારૂ ભરેલું કન્ટેનર ઝડપી પાડ્યું છે. જેમાં થરાદ પોલીસે કુલ ૯૪૨૦ જેટલી દારૂની બોટલો જેની કિંમત ૯ લાખ ૯૬ હજારથી વધુનો દારૂ કબ્જે કરી બે ઈસમો ને પકડી પાડી કાયદેસર કાર્યવાહી હાથ ધરી છે. સરહદી રેંજ કચ્છ ભુજ જે.આર.મોથલીયા,પોલીસ મહાનિરીક્ષક , તેમજ અક્ષયરાજ , પોલીસ અધિક્ષક જીલ્લાનાઓએ જીલ્લામાં દારૂ જુગારની પ્રવૃતિ નેસ્તનાબુદ થાય તે અંગે કડક અમલવારી કરવા સુચના કરતા એસ.એમ.વારોતરીયા,નાયબ પોલીસ અધિક્ષક થરાદ વિભાગ થરાદનાઓના માર્ગદર્શન હેઠળ ,એચ.ડી.વાઢેર , ઈન્ચાર્જ પોલીસ ઇન્સપેક્ટર થરાદ પોલીસ સ્ટેશન ની રાહબરી માર્ગદર્શન હેઠળ ખોડા બોર્ડર પોલીસ ચેકપોસ્ટ ઉપર વાહન ચેકીંગ દરમ્યાન ટૂક કન્ટેનર ગાડી નંબર એચઆર – ૪૭ – ઈ – ૫૬૦૧ માંથી ગેરકાયદેસર રીતે અને વગર પાસ પરમીટનો ભારતીય બનાવટના વિદેશી દારૂની અલગ અલગ બ્રાન્ડ કુલ પેટી નંગ -૩૦૨ જેની કુલ બોટલ નંગ ૯૪૨૦ જેની કુલ કિંમત ૯ લાખ ૯૬ હાજર ૬૦૪ નો પ્રોહીનો મુદ્દામાલ તથા ટ્રક કન્ટેનર ગાડીની સહીત કુલ મુદ્દામાલ કબજે કરી જે પકડાયેલ ગાડીમાં દારૂ સિવાય બીજાે કોઈ મુદ્દામાલ ભરેલ ન હોવા છતાં દ્રાઇવર પોતાની સાથે ખોટા બિલ્ટીના કાગળો બનાવી સાથે રાખેલ જેથી પકડાયેલ ગાડીના ચાલક ઈસમ પંકજ રાજેન્દ્ર શર્મા રહે.બાડયા બામનાન પુલીસ થાના-આઝાદનગર તા.જિ.હિસાર હરીયાણા વાળા તેમજ આનંદ અઝમેર નાગીલ જાટ રહે.અરીતાલ પુલીસ થાના-આઝાદનગર તા.જિ.હિસાર હરીયાણાવાળા વિરુદ્ધમાં પ્રોહીબીશન એક્ટ તથા ઈન્ડીયન પીનલ કોડની કલમો મુજબ થરાદ પોલીસ સ્ટેશને ગુનો દાખલ કરી કાયદેસરની કાર્યવાહી હાથ ધરી છે.
