ઇંગ્લિશ દારૂ અને નકલી નોટોના કેસમાં ફરાર એન્થોનીના સાગરિત દિપક શર્માને વડોદરાથી ઝડપી લેવાયો

વડોદરા
ગુજરાત પોલીસ ની પકડ થી ક્યારે પણ કોઈ મોટો ગુનેગાર ચટકી શક્યો નથી તવો ફરી એક કિસ્સો સામે આવ્યો છે જેમાં વડોદરાના સયાજીગંજ વિસ્તારની એક હોટલમાંથી છોટાઉદેપુર પોલીસના જાપ્તામાંથી ફરાર થઇ ગયેલા શાર્પ શૂટર અનિલ ઉર્ફે એન્થોની ગંગવાણીને શોધવા વડોદરા ક્રાઇમ બ્રાન્ચ તેના સાગરીતો સુધી પહોંચી રહી છે. જેમાં નકલી ચલણી નોટો અને દારૂના સહિત ૧૦ કેસમાં ફરાર દિપક શર્માને વડોદરાથી ઝડપી લેવામાં આવ્યો છે. એન્થોનીનો સાગરીત ખોડિયાનગર પાસે સયાજીપાર્ક ખાતે હાજર છે. જેના આધારે દરોડો પાડી દિપક ઉર્ફે બંટી નંદકિશોર શર્મા (રહે. મોતીભાઇ પાર્ક સોસાયટી, ખોડિયારનગર, ન્યૂવીઆઇપી રોડ, વડોદરા)ની ધરપકડ કરી હતી. દિપક ઉર્ફે બંટી શર્મા એન્થોની સાથે છોટાઉદેરપુરના પાનવડમાં વેપારી પાસેથી ભૂંસુ ખરીદી ૫ લાખ ૪૦ હજારની ૫૦૦ના દરની નકલી નોટો આપવાના કેસમાં સંડોવાયેલો છે. તેમજ વડોદરા જિલ્લામાં એન્થોનીએ મંગાવેલા ૨ લાખ ૯૨ હજારની કિંમતના દારૂના કેસમાં પણ વોન્ટેડ છે. આ સિવાય દિપક શર્મા વર્ષ ૨૦૧૪માં હાઇવે પર લૂંટના ગુનામાં, મુંબઇ ખાતે એન્થોની સાથે ફાયરિંગ કરવાના ગુનામાં, આણંદમાં ઘરફોડ ચોરી, વડોદરામાં એક અને રાજકોટમાં ત્રણ આર્મ્સ એક્ટના ગુનામાં, વારસીયામાં વાહનચોરી અને વાઘોડિયામાં દારૂના કેસ સહિત ૧૦ ગુનાઓમાં સંડોવાયેલો છે.