ઊના ભાવનગર નેશનલ હાઇવે રોડની કામગીરી શરૂ હોય ત્યારે હાઇવે પર આવેલ ગાંગડા ગામથી સનખડા ગામે જવા માટેનો મુખ્ય રસ્તો આવેલ હોય અને આ નેશનલ હાઇવે દ્રારા હાલ સર્વિસ રોડ આપવામાં આવેલ નથી. જેના કારણે આ વિસ્તારના વાહન ચાલકોને ભારે મુશ્કેલીનો સામનો કરવો પડી રહ્યો છે. હાઇવે રોડ જમીનથી ઉંચો બનાવેલ હોવાના કારણે આ વિસ્તારના ગ્રામજનોને પોતાના વાહનો સાથે પસાર થતાં હોય ત્યારે ઢાળ ઉપરથી ઉંચે ચઢવા ઉતરવા સમયે હાઇવે ઉપરના વાહનનો દેખાતા ન હોવાથી ગંભીર અકસ્માતનો ભય રહેતો હોય છે. સનખડાથી ઘણા ગામ જવાનો મુખ્ય રસ્તો હોવાથી આ હાઇવે પર સર્વિસ રોડ તાત્કાલીક બનાવવામાં આવે તેમજ બસ સ્ટોપ બનાવી આપવામાં આવે તેવી ગામ લોકોની માંગણી ઉઠવા પામી છે. આ બાબતે જીલ્લા પં. સદસ્ય વીરાભાઇ બોઘાભાઇ ઝાલાએ નેશનલ હાઇવે ઓથોરીટીને લેખિત રજુઆત કરી માંગણી કરેલ છે.
