વિદેશમાં ઉચ્ચ અભ્યાસ માટે વિકસતી જાતિના વિદ્યાર્થીઓને ૧૫ લાખ અને અનુસૂચિત જાતિના વિદ્યાર્થીઓને ૨૦ લાખની સહાય મળવાપાત્ર
આલેખન : સુમિત ગોહિલ, જિલ્લા માહિતી કચેરી, અમરેલી.
રાજ્ય સરકારના સામાજિક ન્યાય અને અધિકારીતા વિભાગ દ્વારા શૈક્ષણિક યોજનાઓ અમલમાં મુકવામાં આવી છે. આ યોજનાઓ પૈકી વિદેશ અભ્યાસ લોન સહાય યોજના જિલ્લાના વિદ્યાર્થીઓને વિદેશમાં જઈને પોતાના ઉચ્ચ અભ્યાસ માટે નાણાકીય સહાય પુરી પાડે છે.
બગસરા તાલુકાના નાનકડા ગામ એવા જૂની હળીયાદના વિદેશ અભ્યાસ લોન સહાય લાભાર્થી સુશ્રી કલ્પના ખોરાસીયા જણાવે છે કે મારે ધોરણ ૧૨ માં સારી ટકાવારી આવતા મારા સબંધીએ લોન સહાય અંગે માહિતી આપી. વધુ તપાસ કરી ત્યારે ખ્યાલ આવ્યો છે હું આ લોન સહાય મેળવવા માટેની દરેક લાયકાત ધરાવું છું. સમાજ કલ્યાણના સ્થાનિક અધિકારીશ્રીઓએ મને પૂરતી મદદ કરી તાત્કાલિક મારી લોન મંજુર કરી વિદેશ અભ્યાસના દ્વાર ખુલ્લા મુક્યા હતા. આજે હું રાજ્ય સરકારનો જેટલો પણ આભાર માનું એટલો ઓછો છે. ફિલિપાઇન્સમાં તબીબી ક્ષેત્રના મારા અભ્યાસના સપનાઓ આ યોજનાએ સાકાર કર્યા છે અને એના થકી મારું જીવન બદલાયું છે. મને સારી કારકિર્દીની સાથે સાથે નવી ઓળખ પણ આપી છે.
નોંધનીય છે કે તાજેતરમાં સુશાસન સપ્તાહની ઉજવણી અંતર્ગત ૨૯ ડિસેમ્બરના સામાજિક ન્યાય અને અધિકારીતા વિભાગ દ્વારા યોજાયેલ કાર્યક્રમમાં આ બંને દીકરીઓને સાંસદ શ્રી નારણભાઇ કાછડીયા અને અન્ય મહાનુભાવોએ સન્માન કરી પ્રમાણપત્રો અને સહાયનું વિતરણ કર્યું હતું.
યોજનાકીય માહિતી આપતા જિલ્લા સમાજ કલ્યાણઅધિકારી સુશ્રી મીનાબેન રાઠોડ જણાવે છે કે વિદેશમાં ઉચ્ચ અભ્યાસ માટે વિકસતી જાતિના વિદ્યાર્થીઓને ૧૫ લાખ અને અનુસૂચિત જાતિના વિદ્યાર્થીઓને ૨૦ લાખની સહાય મળવાપાત્ર છે. રાજ્ય સરકાર દ્વારા ધોરણ ૧૨ પછી ડિપ્લોમા કે સ્નાતક અથવા અનુસ્નાતક કક્ષાના અભ્યાસક્રમો માટે આ સહાય આપવામાં આવે છે. વિદેશ અભ્યાસ માટે ધોરણ ૧૨માં નિયત કરેલી ટકાવારી હોવી આવશ્યક છે.
