મેઘમહેર થી ખેડૂતો તેમજ લોકોમાં ખુશીની લહેર.
જેતપુર શહેર તેમજ ગ્રામ્ય પંથકમાં સતત ચાર દિવસથી વરસાદ વરસી રહ્યો છે. ત્યારે આજે સવારથી અસહ્ય બફારા બાદ દસેક વાગ્યા આસપાસ અચાનક જ વાતાવરણમાં પલ્ટો આવ્યા બાદ ધોધમાર વરસાદ શરૂ થયો હતો. મેઘરાજાની ધમાકેદાર એન્ટ્રી થતા જેતપુર શહેરનાં રોડ રસ્તાઓ પાણી પાણી થઇ ગયા હતા.
હવામાન વિભાગ દ્વારા ભારે વરસાદની આગાહી કરવામાં આવી છે એ વચ્ચે. આજ સવારથી જ વાદળ છાયા વાતાવરણ બાદ જેતપુર, કાગવડ, પીઠડીયા,વીરપુર,રબારીકા, સમઢિયાળા સહિતના ગ્રામ્ય પંથકમાં ધોધમાર વરસાદ પડ્યો હતો. સવારે 10 વાગ્યાથી 11 વાગ્યા સુધીમાં ફકત એક જ કલાકમાં ધોધમાર વરસાદ પડયો હતો. જેતપુર સહિત આસપાસના ગામડાઓમાં રસ્તાઓ પર નદીઓ વહેતી હોય તેવા દ્રશ્યો જોવા મળ્યા હતા ભારે વરસાદને પગલે રોડ પર પાણી વહેતા થયા હતા. ધોધમાર વરસાદને કારણે વાતાવરણમાં ઠંડક પ્રસરી હતી.
