સાવરકુંડલા શહેરના વોર્ડ નંબર પાંચમાં આવેલ ગોપાલક સોસાયટીમાં નગરપાલિકા દ્વારા મંજૂર કરવામાં આવેલ જાહેર રસ્તાનું કામ પૂરજોશમાં ચાલી રહ્યું છે. આ  આર. સી. સી રોડ  બનતાં આ વિસ્તારને જાહેર રસ્તાની એક વધુ સારી સુવિધા ઉપલબ્ધ થશે. ખાસકરીને ચોમાસા દરમિયાન લોકોને અવરજવર કરવા માટે વધુ સુલભ રહેશે. 

સાવરકુંડલા. તા.

(બિપીન પાંધી દ્વારા)

સાવરકુંડલા શહેરમાં હાથસણી રોડ વોર્ડ નંબર પાંચનાં ગોપાલક સોસાયટીમાં જોધાભાઈના ઘરથી ભૂપતભાઈ કળોતરાના ઘર સુધીનો જાહેર રસ્તો આર સી સી રોડથી મઢાશે. સાવરકુંડલા નગરપાલિકા દ્વારા મંજૂર કરવામાં આવેલ  આ રોડનુ કામ આ વિસ્તારના નગરપાલિકા સદસ્ય કેશવભાઈ બગડા અને સદસ્ય પતિ કરસનભાઇ આલ ખડેપગે ઉભા રહેતા આ રસ્તાની  કામગીરી પૂરજોશમાં ચાલી રહી છે. આ રોડ ખુદ નગરપાલિકા પતિ સદસ્ય કરશનભાઈ આલના ઘર પાસેથી પસાર થાય છે. આ રોડ બાબતે આ વિસ્તારના નગરપાલિકા સદસ્ય કેશવભાઈ બગડા અને સદસ્ય પતિ કરસનભાઇ આલ જણાવ્યું હતું કે આ રસ્તો ગુણવત્તાવાળો  બને તે માટે તેઓ સતત સતર્ક રહે છે.