મુંબઈ
ટીવી અને રિયાલિટી શોની એક્ટ્રેસ માહી વિજને તેના ટેમ્પરરી કૂકે ખંજરથી મારી નાખવાની ધમકી આપી હતી. કૂકની ધમકીના કારણે પોતાને દીકરીની ચિંતા સતાવતી હોવાનું માહી વિજે જણાવ્યુ હતું. બાદમાં તેણે આ ટિ્વટ ડીલિટ કરી હતી. માહીએ જણાવ્યું હતું કે, એક ફ્રેન્ડના રેફરન્સથી ટેમ્પરરી કૂકને રાખ્યો હતો. તે વસ્તુઓ ચોરી જતો હોવાનું લાગતાં ત્રણ દિવસમાં જ છૂટો કરવાનું નક્કી કર્યું હતું. હસબન્ડ જયે કૂકને ચાલ્યા જવાનું કહ્યું ત્યારે તેણે આખા મહિનાનો પગાર માગ્યો હતો. જયને તેણે ધમકી આપી હતી કે, ૨૦૦ બિહારી લાવીને ઊભા કરી દઈશે. દારૂ પીને તેણે ધમકીઓ આપી હતી. પોલીસને જાણ કરાતા તેને એરેસ્ટ કરાયો હતો. જાે કે હવે કૂક બહાર છે અને તેને પોતાની દીકરીની ચિંતા સતાવે છે. પોલીસ સ્ટેશનમાં પણ તે ધમકીઓ આપતો હતો અને અભદ્ર ભાષા વાપરતો હતો. પોલીસ સામે પણ નહીં ડરનારો કૂક હવે જેલની બહાર છે ત્યારે તે પોતાની દીકરીને હાનિ પહોંચાડશે તેવી માહીને બીક છે. માહીએ જણાવ્યું હતું કે, કોઈ મારી નાખે પછી મોરચા કાઢવાનો કોઈ અર્થ નથી.
