મુંબઈ
હરિહરન પ્રખ્યાત કર્ણાટક ગાયિકા શ્રીમતી અલામેલુના પુત્ર છે. તેમણે તેમના પિતા અનંત સુબ્રમણિ પાસેથી ભારતીય શાસ્ત્રીય સંગીત શીખવાનું શરૂ કર્યું. તેણે માટુંગાની ડોન બોસ્કો હાઈસ્કૂલમાંથી ૧૨માં સુધીનો અભ્યાસ કર્યો અને તે પછી તેણે મુંબઈની સેન્ટ ઝેવિયર્સ કોલેજમાંથી સ્નાતક થયા. વર્ષ ૧૯૭૭માં તેણે સિંગિંગ શો ‘ઓલ ઈન્ડિયા સુર સિંગર કોમ્પિટિશન’ જીત્યો. આ શો જીત્યા બાદ હરિહરન લોકપ્રિય ચહેરો બની ગયો. એક ન્યૂઝ પોર્ટલ અનુસાર, હરિહરનનો મધુર અવાજ સાંભળીને દિવંગત સંગીત નિર્દેશક જયદેવે તેને ગાયક તરીકે સાઈન કરી લીધો. આ પછી હરિહરને ક્યારેય પાછું વળીને જાેયું નથી. વર્ષ ૧૯૯૬માં, હરિહરને લેસ્લી લુઈસ સાથે બે-સભ્યોનું બેન્ડ બનાવ્યું અને તેને ‘કોલોનિયલ કઝીન્સ’ નામ આપ્યું. બોલિવૂડ અને ટોલીવુડના દિગ્ગજ ગાયક હરિહરનનો જન્મદિવસ છે. તેઓ ૬૭મો જન્મદિવસ ઉજવી રહ્યા છે. હરિહરને ઘણી ભારતીય ભાષાઓમાં ગીતો ગાયા છે અને પોતાની ગાયકીથી ચાહકોના દિલ જીતી લીધા છે. તેના કેટલાક સુપરહિટ ગીતોમાં ‘તુ હી રે’, ‘બાહોં કે દર્મિયાં’, ‘રોજા જાનેમન’, ‘છોડ આયે હમ’નો સમાવેશ થાય છે. હરિહરન એક સેટ ગઝલ ગાયક પણ છે. હરિહરનએ ૫૦૦થી વધુ તમિલ ગીતો અને લગભગ ૨૦૦ હિન્દી ગીતો ગાયા છે. તેમને પદ્મશ્રીથી પણ સન્માનિત કરવામાં આવ્યા છે. તેણે બે નેશનલ એવોર્ડ પણ જીત્યા છે. હરિહરન અને લેસ્લી લુઈસની જાેડીએ ઘણી ભાષાઓમાં ઉત્તમ સંગીત આપ્યું છે. હરિહરનના પ્રિય સંગીતકારો એ આર રહેમાન, ઉસ્તાદ ગુલામ મુસ્તફા ખાન, લતા મંગેશકર, આશા ભોસલે, મહેંદી હસન છે. હરિહરનને આ દિગ્ગજ ગાયકો પાસેથી ઘણી પ્રેરણા મળે છે. હરિહરનને મુસાફરી અને વાંચનનો પણ શોખ છે. હરિહરનનું ફેવરિટ ફૂડ સાઉથ ઈન્ડિયન અને ઈટાલિયન ફૂડ છે. તેમની જેમ તેમના બાળકો પણ સંગીત ક્ષેત્રે કામ કરે છે. તેમના પુત્ર અક્ષય હરિહરન અને પુત્રી લાવણ્યા હરિહરન બેકગ્રાઉન્ડ સિંગર છે. બંનેએ ઘણા તમિલ અને હિન્દી ગીતો ગાયા છે. બંનેએ તેમના પિતા સાથે ઘણા ગીતો પણ ગાયા છે.
