મુંબઈ
હિન્દી સિનેમાના છ સૌથી પ્રસિદ્ધ મગજને એકસાથે લાવીને, ‘મોર્ડન લવ’ આધુનિક સમયની પ્રેમ કથાઓને નવો ચહેરો આપવા માટે તૈયાર છે. વિશાલ ભારદ્વાજ, હંસલ મહેતા, શોનાલી બોઝ, ધ્રુવ સેહગલ, અલંકૃતા શ્રીવાસ્તવ અને નુપુર અસ્થાના જેવા પ્રખ્યાત ફિલ્મ નિર્માતાઓ પ્રેક્ષકોને પ્રેમની ગહન દુનિયામાં લઈ જવા માટે અદ્ભુત વાર્તાઓ સાથે આવશે. એન્થોલોજીનું પોસ્ટર સામે આવતાની સાથે જ, દર્શકો સીરિઝની એક ઝલક જાેવા માટે આતુરતાથી રાહ જાેઈ રહ્યા છે, અને હવે સતત વધતા ક્રેઝમાં વધારો કરવા માટે, નિર્માતાઓએ આખરે સીરિઝનું ટીઝર રિલીઝ કર્યું છે. પ્રિતિશ નંદી કોમ્યુનિકેશન્સ દ્વારા નિર્મિત, મોર્ડન લવ મુંબઈ ૧૩ મે, ૨૦૨૨ થી ૨૪૦ થી વધુ દેશો અને પ્રદેશોમાં સ્ટ્રીમ કરવા માટે ઉપલબ્ધ થશે.પ્રેમના વિવિધ શેડ્સની ૬ અલગ-અલગ વાર્તાઓનું અન્વેષણ કરતી, પ્રાઇમ વિડિયો ઓરિજિનલ ‘મોર્ડન લવ મુંબઈ’ એ અનોખી વાર્તાઓમાંની એક છે જે ભાગ્યે જ સામે આવે છે. આ સીરિઝ દર્શકોને તેમના અલગ-અલગ મૂડને દર્શાવતી પ્રેમકથાઓની અદભૂત સફર પર લઈ જશે અને આખરે નિર્માતાઓએ શ્રેણીનું ટીઝર રિલીઝ કર્યું છે.
