અમેરિકા
રશિયા અને યુક્રેન વચ્ચે યુદ્ધને રોકવા માટે અત્યાર સુધીમાં બે રાઉન્ડની વાતચીત થઈ છે. આવી સ્થિતિમાં ત્રીજા રાઉન્ડની વાતચીતની તારીખ પણ સામે આવી ગઈ છે. યુક્રેનના અધિકારી ડેવિડ અરખામિયાએ શનિવારે જણાવ્યું હતું કે રશિયા અને યુક્રેન વચ્ચે આગામી તબક્કાની વાતચીત સોમવારે યોજાશે. અરખામિયા યુક્રેનિયન રાષ્ટ્રપતિ ઝેલેન્સકીના સર્વન્ટ ઑફ ધ પીપલ પાર્ટીના સંસદીય પક્ષના વડા અને રશિયા સાથે વાતચીત માટે દેશના પ્રતિનિધિ મંડળના સભ્ય છે. સોમવારે વાટાઘાટોનો ત્રીજાે રાઉન્ડ થશે. કારણ કે બંને પક્ષો યુદ્ધવિરામ અને નાગરિકો માટે સલામત માર્ગ માટે વાટાઘાટો કરવાનો પ્રયાસ કરે છે.અમેરિકી રાષ્ટ્રપતિ જાે બાઈડને યુક્રેનના રાષ્ટ્રપતિ વાલોદિમિર ઝેલેન્સકી સાથે ફોન પર વાત કરી હતી. આ દરમિયાન બાઈડને ઝેલેન્સકીને રશિયા પર આર્થિક પ્રતિબંધોની ચાલી રહેલી પ્રક્રિયા વિશે માહિતી આપી હતી અને યુક્રેન માટે યુએસ સૈન્ય, માનવતાવાદી અને આર્થિક સહયોગ વધારવાની ચર્ચા કરી હતી. વ્હાઈટ હાઉસે કહ્યું કે, બંને નેતાઓ વચ્ચે ૩૦ મિનિટથી વધુ ચાલેલી વાતચીતમાં રશિયા અને યુક્રેન વચ્ચેની વાતચીત પર પણ ચર્ચા થઈ હતી, પરંતુ તેની વિગતો આપવામાં આવી નથી. ઝેલેન્સકીએ ટિ્વટર પર કહ્યું કે, બંને રાજ્યના વડાઓએ સુરક્ષા, યુક્રેન માટે આર્થિક સહયોગ અને રશિયા પર આર્થિક પ્રતિબંધોની ચાલી રહેલી પ્રક્રિયા પર ચર્ચા કરી. આના થોડા કલાકો પહેલા ઝેલેન્સકીએ યુએસ સાંસદોને વીડિયો કોલ દ્વારા સંબોધિત કર્યા હતા. આ દરમિયાન તેમણે તેમના દેશને વધુ સહાય આપવા અને રશિયન તેલની આયાતને બ્લેકલિસ્ટ કરવા વિનંતી કરી. યુએસ સાંસદોએ યુક્રેનને વધારાના ઇં૧૦ બિલિયનનું વચન આપ્યું હતું. પરંતુ વ્હાઈટ હાઉસે અત્યાર સુધી તેલ પ્રતિબંધો લાદવાનો ઈનકાર કર્યો છે. વાસ્તવમાં અમેરિકાને ડર છે કે જાે રશિયા પર તેલ પ્રતિબંધો લાદવામાં આવશે તો તેનાથી કિંમતોમાં વધારો થશે અને પહેલાથી જ પરેશાન અમેરિકન જનતાને નુકસાન થશે. અમેરિકા પહેલાથી જ રશિયા પર ઘણા પ્રકારના પ્રતિબંધો લગાવી ચુક્યું છે. રશિયન હુમલા પછી યુક્રેનને પશ્ચિમી દેશો પાસેથી હથિયારો, દારૂગોળો અને ભંડોળ મળવાનું શરૂ થયું. આ સિવાય અમેરિકા સહિતના પશ્ચિમી દેશોએ પણ મોસ્કો પર ઘણા પ્રતિબંધો લગાવ્યા છે. યુએસએ ગયા અઠવાડિયે રશિયા સાથે યુદ્ધ લડવા માટે ઇં૩૫૦ મિલિયન મૂલ્યની સૈન્ય લોજિસ્ટિક્સને મંજૂરી આપી હતી. અમેરિકાના ઈતિહાસમાં આ પ્રકારનું આ સૌથી મોટું પેકેજ હતું. યુદ્ધની શરૂઆતથી યુક્રેનમાંથી લોકો પડોશી દેશોમાં ભાગવાનું શરૂ કરી દીધું છે. પોલેન્ડ સાથેની સરહદ પર યુક્રેનિયન શરણાર્થીઓની મુલાકાત લેતા, યુએસ સેક્રેટરી ઓફ સ્ટેટ એન્ટની બ્લિંકને જણાવ્યું હતું કે યુએસ શરણાર્થીઓને મદદ કરવા માટે ઇં૨.૭૫ બિલિયન એકત્ર કરી રહ્યું છે.
