વિડીયો પોસ્ટ કરતી વખતે શ્રદ્ધા કપૂરએ લખ્યું,”૧૦માંથી કેટલા માર્ક્સ? મારું પ્રથમ વેચાણ.”
બોલિવૂડ અભિનેત્રી શ્રદ્ધા કપૂર એક અદ્ભુત અભિનેત્રી હોવા ઉપરાંત પ્રતિભાશાળી સેલ્સ ગર્લ પણ છે. આ શ્રદ્ધા કપૂરના ફેન્સ દ્વારા કહેવામાં આવી રહ્યું છે. જેમણે તેનો તાજેતરમાં પોસ્ટ કરેલો વીડિયો જાેયો છે. વાસ્તવમાં, શ્રદ્ધા કપૂર તેની નવી જ્વેલરી બ્રાન્ડના પુણે સ્ટોરમાં સેલ્સ ગર્લ તરીકે કામ કરતી જાેવા મળી હતી. તે સ્ટોર પર આવતા ગ્રાહકોને જ્વેલરી બતાવતી હતી અને પ્રોડક્ટ ખરીદવા માટે સમજાવતી હતી. પોતાનો આ વીડિયો પોસ્ટ કરતી વખતે શ્રદ્ધા કપૂરે લખ્યું- ૧૦માંથી કેટલા માર્ક્સ? મારું પ્રથમ વેચાણ.
શ્રદ્ધા કપૂરે જણાવ્યું કે, તેણે ૧૦,૯૦૦ રૂપિયાની જ્વેલરી વેચી છે. અભિનેત્રી વીડિયોમાં કહી રહી છે કે વેચાણ સરળ લાગે છે પરંતુ એવું નથી. આ પછી વીડિયોમાં તે સ્ટોરની અંદરના ગ્રાહકોને ઘરેણાં ખરીદવા માટે સમજાવવાનો પ્રયાસ કરતો જાેઈ શકાય છે. શ્રદ્ધા કપૂર એક આંટીને બ્રેસલેટ અને નેકલેસ વેચવાનો પ્રયાસ કરતી જાેવા મળે છે. તે તેમને સમજાવી રહી છે કે તે કયા પ્રસંગોએ તેને પહેરી શકે છે અને તે તેના પર કેવી રીતે સુંદર લાગે છે.
શ્રદ્ધા કપૂર વીડિયોના અંતમાં કહે છે, “મારુ આ પહેલી વાર હતું. જાે તમે તે કરશો તો તમને ખબર પડશે. સેલ્સ વર્ક કરનારા તમામ લોકોને સલામ.” વીડિયો પર ઘણી કોમેન્ટ્સ આવી રહી છે. એક સોશિયલ મીડિયા યુઝરે લખ્યું, “મેમ, જાે તમે ક્રેડિટ કાર્ડ પણ વેચો છો, તો પણ લોકો તેને લઈ લેશે.” એક વ્યક્તિએ હસતું ઇમોજી બનાવ્યું અને લખ્યું, “શું થોડું ડિસ્કાઉન્ટ મળશે, મેમ?” અન્ય યુઝરે લખ્યું, “મને સરનામું જણાવો. હું કાલે જ ટ્રેન પકડીશ.” કોઈએ લખ્યું હતું કે, “જાે સેલ્સ પર્સન આટલી ક્યૂટ છે તો દુકાન ખરીદતા શેની શરમ.”
જાે બોલિવૂડ અભિનેત્રી શ્રદ્ધા કપૂરના વર્ક ફ્રન્ટની વાત કરીએ તો શ્રદ્ધા કપૂર છેલ્લે ફિલ્મ ‘તુ જૂઠી મેં મક્કર’માં જાેવા મળી હતી. જેમાં તે રણબીર કપૂર સાથે કેમેસ્ટ્રી અને એક્ટિંગ સારી જાેવા મળી હતી. પરંતુ ફિલ્મ તેટલી સારી ચાલી ન હતી પણ ફિલ્મમાં શ્રદ્ધાની એક્ટિંગના ફેન્સે ખૂબ વખાણ કર્યા હતા. હાલમાં બોલિવૂડ અભિનેત્રી શ્રદ્ધા કપૂર આગામી ફિલ્મ ‘સ્ત્રી-૨’ને લઈને ચર્ચામાં છે. ફિલ્મનો પહેલો ભાગ વર્ષ ૨૦૧૮માં આવ્યો હતો અને ફિલ્મ બ્લોકબસ્ટર હિટ રહી હતી. હવે જાેવાનું એ રહેશે કે શું શ્રદ્ધા કપૂર બીજા ભાગમાં પણ આવો જ કાંઈક જાદુ ચલાવી શકે છે કે કેમ.