આઈપીએલ ૨૦૨૪માં મોટો ફેરફાર જાેવા મળ્યો છે. ચેન્નાઈ સુપર કિંગ્સની ટીમ અને લખનૌ સુપર જાયન્ટસ વચ્ચે મેચ રમાઈ હતી. આ મેચમાં લખનૌએ તોફાની અંદાજથી જીત મેળવી લીધી હતી આ સાથે ચેન્નાઈ સુપર કિંગ્સ આઈપીએલ આ સીઝનમાં પહેલી વખત ટોપ-૪થી બહાર થઈ ગઈ છે. જ્યારે કે.એલ રાહુલની કેપ્ટનશીપ વાળી લખનૌ સુપર જાયન્ટસે ટોપ-૪માં ફરી એક વખત એન્ટ્રી કરી લીધી છે.
આઈપીએલ ૨૦૨૪ના પોઈન્ટ ટેબલમાં હાલમાં રાજસ્થાન રોયલ્સ મજબુતી સાથે ટોપ પર છે. કારણ કે, ટીમે ૮માંથી ૭ મેચ જીતી લીધી છે. વધુ એક મેચ જીતતાની સાથે રાજસ્થાન રોયલ્સની ટીમ પ્લેઓફ માટે ક્વોલિફાય કરી લેશે. બીજા નંબર પર હાલમાં કોલકાતા નાઈટ રાઈડર્સ છે. જે ૭માં ૫ મેચ જીતી ચુકી છે. આટલી જ મેચમાં સનરાઈઝર્સ હૈદરાબાદે જીત મેળવી છે પરંતુ કેકેઆરનો નેટ રન રેટ ખુબ સારો છે.
લખનૌએ સીએસકેને હરાવી ટોપ-૪માં એન્ટ્રી કરી લીધી છે. લખનૌની ટીમ આ સીઝનમાં ૮માંથી ૫ મેચ જીતી ચુકી છે અને હવે ચોથા સ્થાન પર યથાવત છે. ચેન્નાઈ સુપર કિંગ્સ ૮માંથી ૪ મેચમાં જીત મેળવી છે અને પોઈન્ટ ટેબલમાં આ ટીમ પાંચમાં સ્થાને છે.
સીઝનમાં પહેલી વખત ઋતુરાજ ગાયકવાડની કેપ્ટનશીપ વાળી ટીમ ટોપ-૪માંથી બહાર થઈ ગઈ છે. સારી વાત તો એ છે કે, ગુજરાત ટાઈટન્સની ટીમે ૮ પોઈન્ટ કરી લીધા છે પરંતુ સીએસકેનો નેટ રન રેટ સારો છે. છઠ્ઠા સ્થાન પર ગુજરાત ટાઈટન્સના ખાતામાં ૪ જીત છે અને ટીમ ૮ મેચ રમી ચુકી છે. સાતમાં સ્થાન પર હાલમાં મુંબઈ ઈન્ડિયન્સ છે.
જેણે ૮ માંથી ૩માં જીત મેળવી લીધી છે, ૮માં સ્થાન પર દિલ્હી કેપિટ્લસની ટીમનો કબજાે છે. જે ૮ મેચ રમી ચુકી છે અને ૩માં જીત મેળવી છે.૯માં સ્થાન પર પંજાબ કિંગ્સ છે, તેમજ આરસીબી છેલ્લા સ્થાન પર છે જે ૮માંથી માત્ર એક જ મેચ જીતી છે.